Bakı. AzerVoice:
Beynəlxalq Ədalət Məhkəməsinin işğal əleyhinə qərarından sonra Yaponiya şirkəti İsrail şirkəti ilə əməkdaşlığı dayandırır.
AzerVoice xəbər veriri ki, Yaponiyanın “Itochu Corp” şirkətinin aviasiya bölməsi Qəzza zolağına təcavüz fonunda İsrailin “Elbit Systems Ltd” müdafiə şirkəti ilə strateji əməkdaşlığa fevralın sonunadək son qoyacağını elan edib.
“Şirkət keçən ay Beynəlxalq Ədalət Məhkəməsinin İsrailə fələstinlilərə qarşı soyqırım aktlarının qarşısını almaq və mülki insanlara kömək etmək üçün daha çox işlər görməyi əmr etməsindən sonra tərəfdaşlığı dayandırmağı planlaşdırır”-deyə, Itochu-nun Baş Maliyyə Direktoru Tsuyoshi Hachimura deyib.
Qeyd edək ki, oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 27 min 365 nəfərə çatıb.
