Bakı,
AzerVoice
Avropa İttifaqı (Aİ), Dəməşqə yüksək səviyyəli diplomatik nümayəndə
heyəti göndərib.
AzerVoice xəbər verir ki, bu barədə Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas məlumat verib.
O, Aİ-nin diplomatik səylərini genişləndirmək və xarici işlər nazirlərinin yeni suriya administrasiyası ilə əlaqələri müzakirə etmək üçün Dəməşqə göndərildiyini bildirib.
Kallas, Suriyadakı son inkişaflarla bağlı Aİ-nin növbəti addımlarını müzakirə edəcəyini vurğulayaraq, "Suriyadakı ən yüksək səviyyəli diplomatımız bu gün Dəməşqdə olacaq,"- deyib.
O, həmçinin nazirlərə yeni hökumət və oradakı insanlarla əlaqə qurmaq üçün Dəməşqə getməyi tapşırıb.
Aİ nümayəndəsi, 14 dekabrda İordaniyada Türkiyə, ABŞ və BMT ilə keçirdiyi görüşləri xatırladaraq, regional və beynəlxalq tərəfdaşların birgə şəkildə Suriyanın sabit və sülhsevər bir hökumət qurmasına dəstək verməsini vacib hesab etdiyini bildirib.
Kallas, Suriyanın yeni rəhbərliyi ilə hansı səviyyədə əlaqələr qurulacağı məsələsini müzakirə edəcəyini də qeyd edib. Baas rejiminin sona çatmasından sonra formalaşacaq yeni administrasiyanın, Aİ-nin gələcək siyasətinə təsir göstərəcəyini əlavə edib.
