BAKI, AzerVoice
Çin, ABŞ şirkətlərinə qarşı sanksiyaları 90 gün müddətinə dayandırıb.
AzerVoice xəbər verir ki, Çin Ticarət
Nazirliyi ABŞ ilə aparılan danışıqlardan sonra sanksiya tətbiq
olunan bəzi ABŞ şirkətlərinə qarşı məhdudiyyətləri müvəqqəti olaraq
dayandırdığını açıqlayıb.
Nazirliyin məlumatına görə, “etibarsız qurum” siyahısında olan 17,
ixrac nəzarət siyahısında olan 28 ABŞ şirkəti ilə bağlı qərarların
icrası 90 gün müddətinə təxirə salınıb.
Qərar, ABŞ və Çin arasında gömrük tarifləri üzrə əldə olunan
razılaşmadan sonra verilib.
Qeyd edək ki, bu qərar Cenevrədə mayın 10-11-də keçirilmiş ABŞ-Çin tarif danışıqlarından sonra qəbul edilib. Danışıqlar nəticəsində qarşılıqlı tariflər də 90 gün müddətinə azaldılıb.
