BAKI, AzerVoice
ABŞ və Çin nümayəndə heyətləri Londonda ticarət danışıqlarının ikinci mərhələsinə başlayıblar.
AzerVoice xəbər verir ki, bu barədə Reuters agentliyi mənbələrə istinadən məlumat verib.
Çin tərəfini Baş nazirin müavini He Lifen təmsil edir. ABŞ nümayəndə heyətinə maliyyə naziri Skott Bessent, ticarət naziri Hovard Latnik və ABŞ-ın ticarət danışıqları üzrə nümayəndəsi Ceymison Qrir daxildir.
Qeyd edək ki, Çin və ABŞ arasında ticarət-iqtisadi məsləhətləşmələr mexanizmi, 10-11 may tarixlərində Cenevrədə keçirilən danışıqların nəticəsi olaraq yaradılıb. O görüşdə, Pekin və Vaşinqton qarşılıqlı rüsumları qismən azaltmaq barədə razılığa gəlib, rüsumların həcmi may ayına qədər 100 faizdən çox artmışdı.
İyunun 5-də Çin Prezidenti Si Cinpin və ABŞ Prezidenti Donald Tramp telefon danışığı aparıb və ticarət-iqtisadi danışıqların yeni bir mərhələsinin tez bir zamanda keçirilməsi barədə razılığa gəliblər.
