Azərbaycan ilə bp arasında mədəni əməkdaşlığın genişləndirilməsi müzakirə olunub
Azərbaycanın mədəniyyət naziri Adil Kərimli bp-nin Xəzər, Mərkəzi Asiya və Türkiyə üzrə bölgə prezidenti Cio Kristofoli ilə görüşüb. Tərəflər Azərbaycan ilə bp arasında mədəniyyət sahəsində mövcud əməkdaşlığı müzakirə ediblər. Şirkətin muzeylərə, sərgilərə və yaradıcı təşəbbüslərə göstərdiyi dəstək yüksək qiymətləndirilib. Görkəmli mədəniyyət xadimlərinin irsinə dair nəşrlərə verilən töhfə də xüsusi qeyd olunub. Cio Kristofoli Azərbaycanda mədəni layihələrə dəstəyin davam etdiriləcəyini bildirib. Görüşdə tarixi filmlərin çəkilişi sahəsində əməkdaşlıq imkanları da nəzərdən keçirilib. Adil Kərimli Cio Kristofolini Mədəniyyət Nazirliyinin Yaradıcı Mərkəzi ilə tanış olmağa dəvət edib. O, həmçinin bp nümayəndəsini Bakıda keçiriləcək VII Ümumdünya Mədəniyyətlərarası Dialoq Forumuna dəvət edib.
Cəbrayılda Şəfəq layihəsi çərçivəsində ilk günəş paneli quraşdırıldı
Şəfəq (Cəbrayıl) günəş layihəsinin investorları olan bp, SOCAR Green, Azərbaycan Biznesinin İnkişafı Fondu və MVM məmnuniyyətlə bildirirlər ki, Cəbrayıl rayonunda yerləşən layihə sahəsində günəş panellərinin quraşdırılmasına başlamaqla layihə növbəti mərhələyə keçir. İlk günəş panelinin bu ayın əvvəlində quraşdırılması ilə layihə üzrə tikinti işləri plana uyğun irəliləməkdə davam edir.
Daş Salnamə Muzeyində “Çərçivədən kənar” adlı inklüziv incəsənət sərgisi açılıb
Dünya Daun Sindromu Günü ərəfəsində Daş Salnamə Muzeyində “Çərçivədən kənar” adlı inklüziv incəsənət sərgisi açılıb. Tədbirdə Heydər Əliyev Fondunun icraçı direktoru Anar Ələkbərov, Alena Əliyeva, Azərbaycanın insan hüquqları üzrə müvəkkili (ombudsman) Səbinə Əliyeva, Milli Məclisin deputatları, mədəniyyət və incəsənət nümayəndələri iştirak ediblər.
bp və Azərbaycan Deflimpiya Komitəsi Yerli Tərəfdaşlıq haqqında Saziş imzaladı
Bu gün bp və Azərbaycan Deflimpiya Komitəsi (ADK) arasında Yerli Tərəfdaşlıq haqqında Saziş imzalandı. Sazişə əsasən, bp şirkəti 31 dekabr 2027-ci ilə qədər ADK-nin Azərbaycandakı rəsmi tərəfdaşı kimi fəaliyyət göstərəcək. Sazişi Azərbaycan Respublikası Deflimpiya Komitəsinin İdarə heyətinin sədri Anar Bayramov və bp-nin Xəzər regionu üzrə vitse-prezidenti Bəxtiyar Aslanbəyli imzaladılar.
Enerji mərkəzi Türkiyə: Beynəlxalq nəhənglərlə ortaq hasilat dövrü
Enerji müstəqilliyi hədəfinə doğru qətiyyətlə irəliləyən Türkiyə, tədarük təhlükəsizliyinin mühüm dayağı olan neft və təbii qaz axtarış-hasilat işlərini Qara dənizdəki Sakarya Qaz Sahəsi və Qabar başda olmaqla, quru və dəniz sahələrində gücləndirməyə davam edir. Hazırda gündəlik təxminən 300 min barel neft ekvivalentində hasilat həyata keçirən Türkiyə Petrolları Anonim Ortaqlığının (TPAO) hasilatının 2028-ci ildə 500 min barelə, uzunmüddətli perspektivdə isə 1 milyon barelə çatdırılması hədəflənir.
bp Şəfəq günəş enerjisi layihəsinin 10% iştirak payını satdı
bp “Shafag Jabrayil Solar Limited” (SJSL) şirkətindəki 10 faiz iştirak payını Macarıstanın “MVM Energetika Zrt.” (MVM) şirkətinə satdığını elan edib. Qalan paylar isə “SOCAR Green” – 39,99 faiz, Azərbaycan Biznesinin İnkişafı Fondu (ABİF) – 10% və MVM – 10 faiz olaraq bölüşdürülüb. bp-nin Azərbaycan, Gürcüstan və Türkiyə üzrə regional prezidenti Cio Kristofoli bildirib ki, MVM-in layihəyə qoşulması birgə müəssisənin dayanıqlığını və uzunmüddətli dəyərini artıracaq:
bp Mirzə Qədim İrəvaninin 200 illik irsinin təbliğinə dəstək verdi
bp Azərbaycan təsviri incəsənətinin görkəmli nümayəndələrindən biri, realist rəssamlıq məktəbinin banisi Mirzə Qədim İrəvani haqqında nəşr olunmuş yeni kitabın çapına dəstək verib. Böyük sənətkarın anadan olmasının 200 illiyinə həsr edilən “Mirzə Qədim İrəvani: Parlaq rənglərin işığında” adlı kitab bp-nin təşkil etdiyi tədbirdə ictimaiyyətə təqdim olunub.
bp-nin dəstəyi ilə Maqsud İbrahimbəyovun yaradıcılığına həsr olunan genişmiqyaslı festival keçirilir
bp böyük məmnuniyyətlə Azərbaycan ədəbiyyatının görkəmli nümayəndəsi, Xalq yazıçısı, dramaturq və tanınmış ictimai xadim Maqsud İbrahimbəyovun anadan olmasının 90 illiyi münasibətilə keçirilən “Neft bumu hamıya gülümsəyir” adlı mədəniyyət festivalına sponsorluq edir. Həm Azərbaycan, həm də dünya ədəbiyyatının, eləcə də teatr və kino sənətinin ən nüfuzlu simalarından biri kimi tanınan, 30-dan çox filmin yaradılmasında iştirak etmiş Maqsud İbrahimbəyovun əsərləri 36 dilə tərcümə edilib. Onun yaradıcılığı - xüsusən də neft bumunun sosial-bəşəri dəyərlərə təsirini əks etdirən əsərləri uzun illərdir müxtəlif nəsillərin mədəni və ictimai düşüncəsinin formalaşmasına təsir göstərir. Bu isə festivalın mövzusunu daha da aktuallaşdırır.
Azərbaycan tarixinin ən qürurverici səhifələrindən birinə həsr olunmuş nəşr
Bu gün bp “Azərbaycan Xalq Cümhuriyyəti haqqında ən maraqlı 100 fakt” adlı yeni bir kitabı ictimaiyyətə təqdim edib. bp-nin maliyyəsi ilə nəşr olunmuş kitabın əsas məqsədi geniş oxucu ictimaiyyətinin Azərbaycanın ilk demokratik dövlətinin tarixinə marağını və həmin dövr barədə məlumatlılığını artırmaqdır.
Sahibkarlar "EY İlin İş Adamı" adı uğrunda yarışacaq
“EY İlin İş Adamı” müsabiqəsində ərizələrin qəbulu mərhələsi başa çatıb. Müsabiqənin milli mərhələsinin qalibi, habelə nominasiyalar üzrə qaliblər 13 fevral tarixində təşkil olunacaq Qala tədbirdə elan olunacaqlar.
bp Xəzərdə qazma məhlullarının təkrar emalı üçün innovativ yanaşma tətbiq edir
bp Azərbaycan-Gürcüstan-Türkiyə bölgəsindəki əməliyyatlarında qazma məhlulunun təkrar emalı üçün tətbiq etdiyi innovativ yanaşma nəticəsində tullantıları əhəmiyyətli dərəcədə azaldıb və əməliyyat xərclərini optimallaşdırıb. Xəzərdə qazma əməliyyatları mürəkkəb çöküntü qatlarından keçərək 7000 metrədək dərinliyə çata bilir. Bu mürəkkəb qazma şəraiti həm qazma yolunda, həm də quyunun keçdiyi laylar boyunca dəqiq nəzarət tələb edir.
bp Bakı–Supsa və Bakı–Tbilisi–Ceyhan kəmərlərinin operatorluğunun təhvili barədə açıqlama verib
Bakı–Supsa (WREP) və Bakı–Tbilisi–Ceyhan (BTC) neft kəmərlərinin operatorluğunun müvafiq dövlət orqanlarına təhvil verilməsi üçün zəruri tədbirlərin vaxtında planlaşdırılması məqsədilə müzakirələr aparılır.
