İstanbul yaxınlığında batan yük gəmisində itkin düşən 10 nəfərin axtarışı davam edir
Türkiyədə xilasetmə qrupları İstanbul sahillərində batan yük gəmisinin 10 nəfərlik ekipajını tapmaq üçün axtarış-xilasetmə əməliyyatını davam etdirir. VOA məlumat verir ki,hadisə çərşənbə günü Mərmərə dənizində, İstanbulun qərbində yerləşən İmralı adası yaxınlığında baş verib. “FG SEVIL” adlı yük gəmisinin batmasından sonra 3 ekipaj üzvü xilas edilib.
Mərmərə dənizində yük gəmisi batıb, 10 dənizçi itkin düşüb
Türkiyənin Mərmərə dənizində iki yük gəmisinin toqquşması nəticəsində gəmilərdən biri batıb, onun 10 nəfərlik heyəti ilə əlaqə kəsilib. Hadisə İstanbulun cənub-qərbində, Mərmərə dənizində baş veribTürkiyə Dənizçilik Baş İdarəsinin məlumatına görə, “Tugberk İmamoglu” adlı gəmi digər gəmi ilə toqquşduqdan sonra heç bir çağırışa cavab verməyib və ekipaj üzvlərinin mobil telefonlarına da zəng çatmayıb.
Ekvador kəşfiyyat rəhbəri Keniyada helikopter qəzasında həlak olub
Ekvador Kəşfiyyat Xidmətinin rəhbəri Mişel Sensi Kontogi, həyat yoldaşı və 4 ABŞ vətəndaşı Keniyada helikopter qəzasında həlak olub. Qəzada helikopterin keniyalı pilotu da həyatını itirib. Hadisə çərşənbə günü Keniyanın mərkəzindəki Samburu bölgəsində baş verib. Ölən 7 nəfərin turistik məqsədlə həyata keçirilən uçuşda olduğu bildirilib. 44 yaşlı Sensi Kontogi 2024-cü ildə Ekvadorun kəşfiyyat rəhbəri təyin edilmişdi və Prezident Daniel Noboa ilə yaxın münasibətləri ilə tanınırdı. O, daha əvvəl daxili işlər naziri vəzifəsini də qısa müddət tutub.
ABŞ hərbçisinin Oman dənizində axtarışları dayandırıldı
ABŞ Hərbi Dəniz Qüvvələri iyulun 1-dən etibarən Oman dənizində itkin düşən hərbçinin axtarış-xilasetmə əməliyyatlarının nəticəsiz başa çatdığını açıqlayıb. ABŞ Hərbi Dəniz Qüvvələrinin Mərkəzi Komandanlığının yaydığı məlumata görə, ABŞ Hərbi Dəniz və Hərbi Hava Qüvvələrinin iştirakı ilə həyata keçirilən genişmiqyaslı axtarış əməliyyatları dayandırılıb.
Venesuelada azı 250 bina dağılıb və ya ciddi zədələnib
Venesuelada baş verən güclü zəlzələlərin vurduğu ziyanın miqyası getdikcə daha aydın görünür. Venesuela Milli Assambleyasının sədri Xorxe Rodrigesin açıqladığı son məlumata görə, ölkədə azı 250 bina dağılıb və ya ciddi zədələnib. Dağıntılar yaşayış binaları ilə yanaşı, müxtəlif təyinatlı tikililəri də əhatə edir. Hazırda mütəxəssislər zədələnmiş binaların təhlükəsizlik vəziyyətini qiymətləndirirlər. Eyni zamanda, dağıntılar altında qalan insanların xilas edilməsi istiqamətində əməliyyatlar fasiləsiz davam etdirilir. Zəlzələnin ən ağır təsir göstərdiyi bölgələrdə infrastrukturun bərpası üçün hazırlıq işlərinə başlanılıb. Rəsmilər zərərin dəqiq həcminin qiymətləndirilməsi prosesinin davam etdiyini bildirirlər. İlkin hesablamalara görə, fəlakətin vurduğu maddi ziyanın daha da artacağı istisna olunmur.
Venesuelada itkin düşənlərin sayı 11 mini ötüb
Venesuelada baş verən güclü zəlzələlərdən sonra humanitar vəziyyət daha da ağırlaşır. Son məlumatlara görə, ölkədə ən azı 11 min nəfər itkin düşmüş hesab olunur. Bu göstərici yaxınlarının taleyi barədə məlumat əldə edə bilməyən və xüsusi müraciət platformasına məlumat göndərən şəxslərin müraciətləri əsasında formalaşıb. Paytaxt Karakas başda olmaqla bir çox bölgədə axtarış-xilasetmə əməliyyatları fasiləsiz davam etdirilir. Şahidlərin sözlərinə görə, bəzi yaşayış binaları tamamilə dağılıb, yollar və kommunikasiya xətləri ciddi zərər görüb. Hadisənin uzunmüddətli istirahət günlərində baş verməsi itkilərin və zərərçəkənlərin sayının artmasına səbəb olub. Rəsmilər və xilasedicilər dağıntılar altında qalan insanları tapmaq üçün genişmiqyaslı əməliyyatlar aparırlar. İnternet və rabitə problemləri səbəbindən itkin düşənlərin real sayının hazırkı göstəricidən daha çox ola biləcəyi ehtimal edilir.
BMT-nin xilasedici qrupları Venesuelaya göndərilir
Venesuelada baş verən dağıdıcı zəlzələlərin nəticələrinin aradan qaldırılması üçün beynəlxalq səylər genişlənməkdə davam edir. BMT tərəfindən sertifikatlaşdırılmış xüsusi xilasedici qrupların ölkəyə göndərilməsi axtarış-xilasetmə əməliyyatlarına mühüm dəstək kimi qiymətləndirilir. Venesuela rəhbərliyi beynəlxalq yardımın artıq hərəkətə keçdiyini və bir sıra ölkələrin dəstək göstərdiyini açıqlayıb. Müvəqqəti prezident Deltsi Rodriges xarici tərəfdaşlarla və BMT nümayəndələri ilə daimi əlaqədə olduqlarını bildirib. Hazırda əsas məqsəd dağıntılar altında qalan insanların tapılması və xilas edilməsidir. Beynəlxalq mütəxəssislərin və xüsusi texnikanın bölgəyə çatdırılması əməliyyatların effektivliyini artırmağa kömək edə bilər. İsveçrə və Fransa kimi ölkələrin göndərdiyi xilasedici qruplar da bu səylərin tərkib hissəsidir. Humanitar yardım və beynəlxalq həmrəylik mesajları isə fəlakətin nəticələrinin aradan qaldırılmasında mühüm rol oynayır.
İran Hörmüz boğazında ABŞ-ın ikinci qırıcısını və axtarış helikopterini vurdu
Yaxın Şərqdə davam edən "Epik Qəzəb" əməliyyatı çərçivəsində ABŞ hərbi hava qüvvələri ard-arda ağır itkilər verir. İran İnqilabı Keşikçiləri Korpusu (SEPAH) tərəfindən vurulan F-15 qırıcısının ardınca, Hörmüz boğazı yaxınlığında ABŞ-a məxsus ikinci bir döyüş təyyarəsinin vurulduğu bildirilir.
Liviya heyətini daşıyan təyyarənin qaraqutusu və səs yazma cihazı tapılıb
Türkiyə Daxili İşlər Naziri Ali Yerlikaya, dünən gecə Ankarada baş verən təyyarə qəzası ilə bağlı açıqlama verib. Nazir bildirib ki, Liviya heyətini daşıyan təyyarə texniki problem barədə məlumat verdikdən sonra qəzaya uğrayıb. “Saat 21:32-də texniki nasazlıq səbəbindən geri dönəcəyi bildirildi. Lakin saat 21:52-də Haymana ərazisində təyyarə ilə əlaqə tamamilə kəsildi.” - deyə Yerlikaya qeyd edib. Hadisə yerinə dərhal AFAD, Polis, Sağlamlıq və UMKE əməkdaşları göndərilib. Axtarış-xilasetmə işləri Nəqliyyat və İnfrastruktur Nazirliyi ilə Hərbi Hava Qüvvələri Komandanlığı koordinasiyasında aparılıb.
Gürcüstan Türkiyə ilə birgə hərbi təyyarə qəzası üzrə Beynəlxalq İstintaq qrupu yaradıb
Gürcüstanın daxili işlər naziri Geka Geladze ölkəsinin ərazisində qəzaya uğrayan Türkiyə Silahlı Qüvvələrinə (TSK) məxsus hərbi yük təyyarəsi ilə bağlı beynəlxalq istintaq qrupu yaradıldığını və bu qrupda Türkiyə rəsmilərinin də yer aldığını bildirib. Nazir Gürcüstanın Siqnaxi bölgəsində qəzaya uğrayan hərbi nəqliyyat təyyarəsi ilə bağlı jurnalistlərə açıqlama verərək, hadisədən dərin üzüntü duyduğunu və həlak olan türk hərbçilərin ailələrinə başsağlığı verib. O, bölgədə axtarış-xilasetmə işlərinin davam etdiyini də qeyd edib.
