Böyük Britaniyanın Baş naziri Misirdə Ərdoğanla görüşüb
Böyük Britaniyanın Baş naziri Kir Starmer bu gün Misirin Şarm əl-Şeyx şəhərində keçirilən Sülh Sammiti çərçivəsində Türkiyə Prezidenti Rəcəb Tayyib Ərdoğanla görüşüb.
Fələstin prezidenti və Qətər əmiri Qəzza ilə bağlı sülh sammitində iştirak edəcəklər
Fələstin prezidenti Mahmud Abbas və Qətər əmiri Şeyx Təmim bin Həməd Al Tani oktyabrın 13-də Qəzza zolağında atəşkəsə həsr olunan “sülh sammitində” iştirak edəcəklər.
Qəzzanın idarə və təhlükəsizliyinə yalnız Fələstin Dövləti cavabdehdir - Mahmud Abbas
Fələstin Dövlət Başçısı Mahmud Abbas bildirib ki, İsrailin hücumları altında olan Qəzza zolağının idarə olunması və təhlükəsizliyi ilə bağlı tam məsuliyyəti daşımağa səlahiyyətli yeganə qurum Fələstin Dövlətidir. Abbas bu fikirləri Fransa və Səudiyyə Ərəbistanının təşəbbüsü ilə BMT çərçivəsində təşkil edilən “Fələstin məsələsinə həll tapılması və İki Dövlətli Həllin həyata keçirilməsi” mövzusunda keçirilən Yüksək Səviyyəli Beynəlxalq Konfransda çıxışı zamanı bildirib. ABŞ-ın Fələstin heyətinə viza verməməsi səbəbilə Abbas tədbirdə video bağlantı vasitəsilə iştirak edib və konfransda qəbul edilən sülh planını həyata keçirmək üçün ABŞ Prezidenti Donald Tramp, Səudiyyə Ərəbistanı, Fransa, Birləşmiş Millətlər Təşkilatı və digər tərəfdaşlarla əməkdaşlığa hazır olduqlarını qeyd edib.
Ərdoğan Fələstin Prezidenti Mahmud Abbasla görüşüb
Türkiyə Prezidenti Rəcəb Tayyib Ərdoğan Fələstin Prezidenti Mahmud Abbasla Prezident Sarayında görüşüb. Ərdoğan, Prezident Sarayının girişində Fələstin Prezidenti Abbası qarşılayıb. Liderlər pilləkənlər üzərində Türkiyə və Fələstin bayraqları önündə xatirə şəkli çəkdiriblər. Daha sonra Ərdoğan və Abbas arasında görüş keçirilib. Mətbuata qapalı olan görüşdə Türkiyənin xarici işlər naziri Hakan Fidan da iştirak edib.
Ərdoğan və Mahmud Abbas bu gün Ankarada görüşəcək
Ankara bu gün Fələstin Dövlət Başçısı Mahmud Abbası qarşılayacaq. Prezident Rəcəb Tayyib Ərdoğan Mahmud Abbası rəsmi mərasimlə qəbul edəcək. Türkiyə Prezidenti Rəcəb Tayyib Ərdoğan, Mahmud Abbas ilə görüşmədən əvvəl "Şəhid Ailələri, Qazilər və Qazi Ailələrinin Dövlət Qurumlarına yerləşdirilməsi üzrə Püşkatma Mərasimi"ndə iştirak edəcək. Beştəpə Millət Konqres və Mədəniyyət Mərkəzində keçiriləcək mərasim saat 15:00-da başlayacaq.
Abbas deyir ki, İsrail Fələstini tamamilə məhv etmək istəyir
Fələstin Prezidenti Mahmud Abbas İsrailin məqsədinin “Fələstini tamamilə məhv etmək” olduğunu bildirib. Mahmud Abbas xatırladıb ki, Oslo sazişi fələstinlilərin vətənə dönüşünə imkan yaratdı və “heç bir güzəşt verilmədi”. Onun sözlərinə görə, Netanyahu sazişi dondurmaq istəsə də, bu, ikitərəfli müqavilədir və birtərəfli ləğv edilə bilməz.
Aİ ABŞ tərəfindən fələstinli rəsmilərə viza qadağasının tətbiq edilməsini qınayıb
Avropa İttifaqı (Aİ) ABŞ-ı fələstinli rəsmilərə tətbiq edilən viza qadağasını ləğv etməyə çağırıb. Bu barədə Avropa Komissiyasının sədr müavini Kaya Kallas Kopenhagendə keçirilən Aİ xarici işlər nazirlərinin toplantısından sonra açıqlama verib. “Biz ABŞ-ı BMT və ev sahibi ölkə arasında mövcud razılaşmalar çərçivəsində qərarı yenidən nəzərdən keçirməyə çağırırıq” – deyə Kallas vurğulayıb.
Livanda Fələstin düşərgələrindən silahların təhvilinə start verilib
Livan-Fələstin Dialoq Komitəsinin sədri səfir Ramiz Dəməşq yazılı açıqlamasında paytaxt Beyrutdakı Bürc əl-Bərəcinah Qaçqınlar Düşərgəsində silahların təhvil verilməsi prosesinin birinci mərhələsinin başladığını bildirib. Onun sözlərinə görə, bu addım dövlətin silah üzərində monopoliya qərarının icrası çərçivəsində həyata keçirilir. Dəməşq qeyd edib ki, proses qarşıdakı həftələrdə Bürc əl-Bərəcinah və digər düşərgələrdə də davam etdiriləcək. O, həmçinin silahların təhvilinin 21 may 2025-ci ildə Livan prezidenti Cozef Aun və Fələstin prezidenti Mahmud Abbas arasında keçirilən sammitdə qəbul olunmuş qərarların icrası ilə bağlı olduğunu vurğulayıb. Məlumata görə, geniş təhlükəsizlik tədbirlərinin görüldüyü proses çərçivəsində Livan ordusunun hərbi texnikası və əsgərləri düşərgəyə yerləşdirilib.
Fələstin rəhbərliyi BMT Baş Assambleyasında dövlət elan etməyi planlaşdırır
Fələstin Milli Administrasiyası (FMA) sentyabr ayında Nyu-Yorkda keçiriləcək BMT Baş Assambleyasında Fələstin Muxtariyyətinin birtərəfli qaydada Fələstin Dövlətinə çevrilməsi və elan edilməsi imkanını nəzərdən keçirir. Bu barədə "Al Araby Al Jadeed" qəzeti fələstin rəhbərliyinin nümayəndəsinə istinadən məlumat verib.
Ərdoğan Fələstin Prezidenti ilə Qəzzadakı vəziyyəti müzakirə edib
Türkiyə Prezidenti Rəcəb Tayyib Ərdoğan Fələstin Dövlət Başçısı Mahmud Abbasla telefon danışığı aparıb. Söhbət zamanı İsrailin Qəzzaya qarşı hücumları və bölgədəki son vəziyyət müzakirə olunub.
Papa XIV Leo və Abbas Qəzzadakı gərginliyi müzakirə edib
Papa XIV Leo Fələstin Prezidenti ilə Qəzza və İordan çayının qərb sahilindəki vəziyyəti müzakirə edib.
Fələstin düşərgələrinin silahsızlaşdırılması – Livanın Hizbullahla bağlı planları qədər çətin və prioritet məsələdir
Ekspertlər bu məsələnin Livan üçün Hizbullahın silahsızlaşdırılması qədər əhəmiyyətli və riskli olduğunu bildirirlər.
