Türkiyə Milli Müdafiə Nazirliyi Bakıda hərbi parada hazırlıq prosesi ilə bağlı paylaşım edib
"Salam olsun sənə, qardaş Azərbaycan! 8 noyabr Zəfər Günün mübarək olsun. Bu gün qəhrəman komandolarımız Bakı küçələrini cəsarətin və qardaşlığın səsi ilə titrədəcək, Azərbaycan türkü qardaşlarımızı qürurla salamlayacaq. Hərbi Hava Qüvvələrimizin qırıcıları da Ay Ulduzun qüdrətini Bakı səmalarına nəqş edərək əbədi qardaşlığımızı dünyaya hayqıracaq", - deyə paylaşımda vurğulanıb.
Vətən Müharibəsindəki Zəfərin 5 illiyinə həsr olunan hərbi paradla bağlı əhali Azadlıq meydanına toplaşır
Vətən Müharibəsindəki qələbənin 5 illiyinə həsr olunan hərbi paradla bağlı əhali Azadlıq meydanına toplaşır. Azadlıq meydanına yaxın küçə və prospektlər paradı seyr etmək üçün gələn şəxslərlə doludur. Həmçinin hərbi paradın keçiriləcəyi ərazidə binaların eyvanları Azərbaycan bayraqları ilə bəzədilib.
TDT Baş katibi Zəfər Günü münasibətilə Azərbaycanı təbrik edib
Türk Dövlətləri Təşkilatının (TDT) Baş katibi Kubaniçbek Ömüraliyev Azərbaycanı 8 noyabr - Zəfər Günü münasibətilə təbrik edib.
Türkiyə Milli Müdafiə Nazirliyi Zəfər Günü ilə bağlı paylaşım edib
Türkiyə Milli Müdafiə Nazirliyi Azərbaycanı Zəfər Günü münasibətilə təbrik edib.
Azərbaycanın Zəfərinin beşinci ildönümünü qürurla qeyd edirik - Türkiyə XİN
Türkiyə Xarici İşlər Nazirliyi, Azərbaycanın qazandığı Zəfərin beşinci ildönümü münasibətilə təbrik mesajı yayıb. “Azərbaycan xalqının əzmi və qəhrəmanlığı ilə qazandığı zəfərin beşinci ildönümünü qeyd edir, vətən torpağı uğrunda canlarını fəda edən bütün qəhrəmanları hörmət və rəhmətlə yad edirik.” Açıqlamada, Türkiyənin hər zaman Azərbaycanın yanında olmağa davam edəcəyi vurğulanıb.
Azərbaycanın ABŞ-dəki Səfirliyində Zəfər Günü qeyd olunub
Azərbaycan Respublikasının Amerika Birləşmiş Ştatlarındakı Səfirliyinin təşkilatçılığı ilə 8 noyabr Zəfər Gününə həsr olunmuş tədbir keçirilib. Tədbirdə diplomatik korpus təmsilçiləri, hərbi attaşelər, ABŞ-dakı Azərbaycan icmasın nümayəndələri və digər qonaqlar iştirak ediblər.Tədbirin əvvəlində Azərbaycan Respublikasının Dövlət Himni səsləndirilib. Daha sonra Azərbaycan torpaqlarının suverenliyi uğrunda canlarından keçmiş şəhidlərin ruhu sükutla yad edilib.
Azərbaycanda Zəfər Günü qeyd olunur
Bu gün Azərbaycanda 8 Noyabr - Zəfər Günü qeyd olunur.
Bu gün Zəfər Günüdür
2020-ci ilin payızı Azərbaycan üçün elə bir simvol oldu ki, o, xalqın nəsillər boyu ürəyində saxladığı, haqqın qələbəsinə gətirib çıxaran Dəmir Yumruğa çevrilən bir arzusunu gerçəkləşdirdi. Bu, həm göz yaşları ilə yuyulmuş, həm də nəsillərin ən müqəddəs arzuları ilə bəzədilmiş bir Zəfərin simvolu idi.
Təbrizdə Zəfər Günü ilə bağlı tədbir keçirilib
06 noyabr 2024-cü il tarixdə İran İslam Respublikasının Təbriz şəhərində Azərbaycan Respublikasının Təbriz şəhərindəki Baş Konsulluğu tərəfindən 8 noyabr-Zəfər Günü ilə əlaqədar Baş Konsulluğun inzibati binasında rəsmi təbdir keçirilmişdir.
Nazirlikdə Zəfər Günü münasibətilə könüllü qanvermə aksiyası keçirilib
Əmək və Əhalinin Sosial Müdafiəsi Nazirliyində 8 Noyabr – Zəfər Günü münasibətilə könüllü qanvermə aksiyası keçirilib. Nazirlik və qurumlarının əməkdaşlarının iştirak etdiyi aksiya talassemiyalı və hemofiliyalı xəstələrə dəstək məqsədi daşıyıb.
Zəfər Günü ərəfəsində Azərbaycan xalçası Polşa Muzeyinə hədiyyə olunub
4 noyabr 2025-ci il tarixində Azərbaycanın Polşadakı Səfirliyi tərəfindən Azərbaycanın UNESCO üzrə Milli Komissiyasının dəstəyi ilə Polşanın Asiya və Sakit Okean Muzeyində Qarabağ xalçaçılıq məktəbinə aid "Malıbəyli" xalçasının Muzeyə hədiyyə edilməsi mərasimi təşkil edilib.
Pakistanın baş naziri Şahbaz Şərif Zəfər paradında iştirak edəcək
Pakistanın baş naziri Məhəmməd Şahbaz Şərif Bakıda keçiriləcək Zəfər Gününün beşinci ildönümünə həsr olunmuş tədbirlərdə iştirak etmək üçün Azərbaycana rəsmi səfər edəcək. Bildirilir ki, səfər çərçivəsində Azərbaycan–Pakistan münasibətlərinin bütün spektri müzakirə olunacaq, habelə ticarət və investisiyalar, energetika, müdafiə, təhsil və regional əlaqəlilik də daxil olmaqla müxtəlif sahələrdə əməkdaşlığın daha da dərinləşdirilməsi üçün yeni istiqamətlər müəyyən ediləcək.
