Pakistan müsəlman ölkələrini İsrailə qarşı birləşməyə çağırıb
Pakistanın müdafiə naziri Xavaca Məhəmməd Asif müsəlman ölkələrini İsrailə qarşı birləşməyə çağırıb. Nazir Pakistan, Səudiyyə Ərəbistanı və Türkiyə arasında imzalanan yeni müdafiə sazişinin İslam dünyasının daha geniş əməkdaşlıq mexanizminin əsasını təşkil edə biləcəyini bildirib.
Hakan Fidan HƏMAS-ın yeni rəhbəri ilə görüşüb, Türkiyə Fələstinə dəstəyini bir daha bəyan edib
Türkiyənin xarici işlər naziri Hakan Fidan HƏMAS-ın yeni rəhbəri Xəlil əl-Həyyə ilə görüş keçirib. Türkiyə Xarici İşlər Nazirliyindəki mənbələrin verdiyi məlumata görə, Fidan görüş zamanı Xəlil əl-Həyyəni yeni vəzifəyə seçilməsi münasibətilə təbrik edib və fəaliyyətində uğurlar arzulayıb.
İsrail Qəzzada HƏMAS-ın yüksək rütbəli komandirini öldürdüyünü açıqlayıb
İsrail Ordusu Qəzza zolağında HƏMAS-ın yerli komandirlərindən birinə qarşı hava hücumu həyata keçirdiyini bildirib.
İsrail 20 ildən çoxdur ki Fələstində jurnalistlərin öldürülməsinə görə məsuliyyət daşımayıb - BMT
İsrailin Fələstində jurnalistlərin öldürülməsinə görə heç vaxt məsuliyyətə cəlb edilmədiyi, bunun isə 20 ildən çox davam etdiyi bildirilib. AzerVoice xəbər verir ki, bu barədə BMT-nin ifadə və fikir azadlığı üzrə xüsusi məruzəçisi İrene Xan Cenevrədə keçirdiyi mətbuat konfransında açıqlama verib. Xan çıxışında qeyd edib ki, İsrailin cəzasız qalması özbaşınalıq mühiti yaradıb və nəticədə “həqiqəti yerindəcə ortaya qoymağa cəsarət edənləri məhv etmək üçün İsrail əsgərləri istədiklərini edə bilirlər”.
İsrailin Qəzza zolağına hücumu nəticəsində 58 fələstinli həlak olub
İsrail ordusunun gün ərzində Qəzza zolağının çoxsaylı bölgələrində mülki əhalini hədəf alan hücumları nəticəsində bu gün 58 fələstinli həyatını itirib. AzerVoice xəbər verir ki, xəstəxana mənbələri və şahidlərin bildirdiyinə görə, İsrailin Qəzza şəhərinə planlı işğalının bir hissəsi olaraq Qəzza zolağının şimal, mərkəzi və cənub hissələrində çoxsaylı bölgələrdə evlərə, mülki insanların toplaşdığı yerlərə və yardım istəyən insanlara hücumlar həyata keçirilib.
Amerikalıların çoxu dövlətlərin Fələstini tanımalı olduğunu düşünür
Altı gün davam edən və bazar ertəsi başa çatan sorğunun nəticələrinə görə, məsələ ilə bağlı Demokratlar və Respublikaçılar arasında kəskin fikir ayrılığı var: Demokratların 78 faizi Fələstinin tanınmasını dəstəkləyir, bu göstərici Respublikaçılar arasında cəmi 41 faizdir. ABŞ prezidenti Donald Tramp Respublikaçılar Partiyasının üzvüdür.
Türkiyə XİN-dən İsrailin Şərqi Qüds və Qərbi Şəriə planına sərt reaksiya
Türkiyə Respublikasının Xarici İşlər Nazirliyi İsrailin işğal altındakı E1 bölgəsində yeni məskunlaşma planını təsdiqləməsinə sərt reaksiya verib. Nazirlik bu barədə yaydığı yazılı bəyanatda İsrailin atdığı addımı qınayıb. Bəyanatda qeyd olunur ki, E1 bölgəsində məskunlaşma inşası planı Qərbi Şəriə ilə Şərqi Qüdsü faktiki olaraq bir-birindən ayıracaq və bu, beynəlxalq hüquqa və BMT qətnamələrinə açıq-aşkar ziddir.
İsrailin güllələdiyi fələstinli aktivistin cənazəsi təhvil verilib
İsrail rəsmiləri, 28 iyulda işğal altındakı İordan çayının qərb sahilində fələstin torpaqlarını zəbt edən bir israilli tərəfindən güllələnərək öldürülən, Oskar mükafatlı sənədli filmə töhfə vermiş fələstinli aktivist Avde Məhəmməd Hadalinin cənazəsini təhvil verib.
Fələstin münaqişəsinin "iki dövlətli" həlli ən çıxılmaz mərhələdədir - Quterreş
Reallıq budur ki, biz həlledici bir mərhələdəyik, iki dövlətli həll heç vaxt bu qədər uzaqda olmayıb. İki dövlətli həll beynəlxalq hüquqda öz əksini tapan, BMT Baş Assambleyası tərəfindən qəbul edilən və beynəlxalq ictimaiyyətin dəstəklədiyi yeganə əsasdır.
Qəzzada aclığın qarşısını almağın yeganə yolu sərhədlərin tam açılmasıdır- UNRWA
Qəzza zolağında dərinləşən aclığın qarşısını almaq üçün bütün sərhəd keçidlərinin dərhal və tam şəkildə açılması vacibdir.
Qəzzada daha bir körpə aclıq səbəbindən həyatını itirib
Qəzza şəhərindəki Şifa xəstəxanasında Məhəmməd İbrahim Ades adlı 7 aylıq körpə şiddətli aclıq və uşaq qidası çatışmazlığı səbəbindən həyatını itirib. Qəzzada son 24 saatda ikisi uşaq olmaqla 6 fələstinli aclıqdan ölüb.
İsrailin Qəzza zolağına hücumu nəticəsində 10 fələstinli həlak olub
AzerVoice xəbər verir ki, Fələstinin rəsmi xəbər agentliyi WAFA-nın məlumatına görə məlumat yayıb. İsrailin Qəzza zolağının şimal-qərbindəki Sudaniya bölgəsini bombalaması nəticəsində 3 fələstinli həlak olub.
