Bakı. AzerVoice:
Türkiyə prezidenti Rəcəb Tayyib Ərdoğan İstanbulda Gayrettepe-Kağıthane xəttinin açılışını edib.
AzerVoice xəbər verir ki, layihə ilə Gayrettepe ilə İstanbul Hava Limanı arasında səyahət müddəti 30 dəqiqəyə enəcək.
Məlumata əsasən, Taksim ilə İstanbul Hava Limanı arasındakı məsafə 41 dəqiqə olacaq. İstanbul Hava Limanı metrosu Metrobüs və Yenikapı-Taksim-Hacıosman Metro Xətti ilə birləşəcək.
Bundan əlavə, tamamlanan hissə ilə xəttin uzunluğu 37,5 kilometrə qədər artacaq.
Qeyd edək ki, Türkiyədə ilk dəfə olaraq bir metro layihəsində 10 tunel qazma maşını eyni vaxtda istifadə edilib. Bu layihə ilə ayda 1233 metr qazıntı sürəti ilə rekord qırıldı. Bundan əlavə, xəttdə Türkiyənin ən sürətli metro nəqliyyatı istifadə olunub.
