Bakı. AzerVoice:
Türkiyədə zəlzələ bölgəsinə 1 trilyon lirədən çox vəsait ayrılıb.
AzerVoice xəbər verir ki, bu barədə Türkiyənin vitse-prezidenti Cevdet Yılmaz açıqlama verib.
"Türkiyə Əsrində daha dayanıqlı şəhərlər qurmağı və zəlzələ bölgəsinin canlanması üçün işlərin böyük hissəsini bu il tamamlamağı hədəfləyirik", - deyə o əlavə edib.
C.Yılmaz onu da bildirib ki, zəlzələ baş verdiyi andan Türkiyə Prezidenti Rəcəb Tayyib Ərdoğanın rəhbərliyi altında və bütün əlaqədar qurumlarla koordinasiyada çalışaraq, fəlakətin zərərini bərpa etmək üçün bütün imkanlar səfərbər edilib.
Xatırladaq ki, 2023-cü il fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində ölənlərin sayı 50 min 783-ə çatıb.
