İsrail həqiqəti ört-basdır etmək üçün jurnalistləri hədəfə alır - Duran

Duran sosial media hesabında İsrail ordusunun Şifa xəstəxanası yaxınlığında jurnalistlərin məskunlaşdığı çadırı birbaşa hədəfə aldığını, nəticədə ikisi “Əl-Cəzirə” müxbiri olmaqla beş jurnalistin öldüyünü bildirib. “İsrail körpələrə, uşaqlara, qadınlara, qocalara və xəstələrə qarşı törətdiyi soyqırımın görünməsini əngəlləmək üçün jurnalistləri məqsədli şəkildə hədəfə alır. Həm insanlığı, həm də həqiqəti məhv etməyə çalışır. Bu, beynəlxalq hüququn açıq-aşkar pozulması və müharibə cinayətidir” — deyə Duran vurğulayıb.

11 Avqust 2025 09:41

BAKI, AzerVoice, Nərmin Ağayeva

Türkiyə Prezidentinin Kommunikasiya Direktoru Burhanəddin Duran, Qəzzada İsrail hücumu nəticəsində həyatını itirən jurnalistlərlə bağlı bəyanat verib.

AzerVoice xəbər verir ki, Duran sosial media hesabında İsrail ordusunun Şifa xəstəxanası yaxınlığında jurnalistlərin məskunlaşdığı çadırı birbaşa hədəfə aldığını, nəticədə ikisi “Əl-Cəzirə” müxbiri olmaqla beş jurnalistin öldüyünü bildirib.

“İsrail körpələrə, uşaqlara, qadınlara, qocalara və xəstələrə qarşı törətdiyi soyqırımın görünməsini əngəlləmək üçün jurnalistləri məqsədli şəkildə hədəfə alır. Həm insanlığı, həm də həqiqəti məhv etməyə çalışır. Bu, beynəlxalq hüququn açıq-aşkar pozulması və müharibə cinayətidir” — deyə Duran vurğulayıb.

O, 7 oktyabr 2023-dən bəri Qəzzada 237 jurnalistin öldüyünü xatırladaraq, İsrailin bu əməllərinə görə bir gün qanun qarşısında cavab verəcəyini qeyd edib.

Qeyd edək ki, İsrail ordusunun Qəzza şəhərində Şifa xəstəxanası yaxınlığında jurnalistlərin çadırına hücumu nəticəsində beş jurnalist, o cümlədən “Əl-Cəzirə” müxbirləri Ənəs əl-Şərif və Məhəmməd Qurayka həlak olub.