BAKI, AzerVoice, Nailə Babazadə
Bișkek vaxtı ilə 1 dekabr 2025-ci il gecə yarısı Qırğızıstanın Rusiyada, Türkiyədə, Birləşmiş Ərəb Əmirliklərində, Səudiyyə Ərəbistanında, Qətərdə, Misirdə və Küveytdə yerləşən 80 xarici seçki məntəqəsində səsvermə prosesi başa çatıb.
AzerVoice xəbər verir ki, Qırğızıstan Xarici İşlər Nazirliyinin məlumatına görə, eyni saatlarda ölkə hüdudlarından kənarda yerləşən daha 20 seçki məntəqəsində səsvermə davam edir. Həmin məntəqələr ABŞ, Böyük Britaniya, Macarıstan, Almaniya, Avstriya, Çexiya, Slovakiya, İtaliya, Belçika, İsveçrə və Fransada fəaliyyət göstərir.
Nazirliyin açıqlamasına əsasən, saat 00:00-a olan vəziyyətə görə, xaricdə keçirilən seçkilərdə 25 458 nəfər Qırğızıstan vətəndaşı səs verib.
Səsverməni ən son ABŞ-ın San-Fransisko şəhərində yerləşən seçki məntəqəsi yekunlaşdıracaq. Həmin məntəqədə proses 1 dekabr Bișkek vaxtı ilə saat 10:00-da başa çatacaq.
