BAKI, AzerVoice
Türkiyə Neft Şirkəti (TPAO) -ya Adana, Osmaniye və Hatayda neft kəşfiyyatı üçün icazə verilib.
AzerVoice xəbər verir ki, Türkiyə Neft
Şirkəti (TPAO) Adana, Osmaniye və Hatay vilayətlərində quru
yataqlarında neft axtarışı aparmaq üçün 5 illik lisenziya alıb.
Qərar Enerji və Təbii Sərvətlər Nazirliyinin Mədən və Neft İşləri
Baş İdarəsi tərəfindən qəbul olunaraq Rəsmi Qəzetdə dərc
edilib.
Qeyd edək ki, lisenziya “AR/ARR/K/O36-a1,a2,a3” nömrəli sahəyə şamil edilir və ümumilikdə 25 min 457 hektar ərazini əhatə edir.
Türkiyənin enerji naziri Alparslan Bayraktar ilin əvvəlindən bu yana 41 milyon barrel neft ehtiyatının aşkar edildiyini bildirib.
“Hörmətli prezidentimiz Qara dənizdən 75 milyard kubmetr ehtiyatla bağlı müjdəsini bölüşdü. Kabar bölgəsindəki layihələrimiz isə ölkənin enerji asılılığını azaltmağa yönəlib. Bu ərazi əvvəllər terrorla assosiasiya olunurdu. Bu gün isə biz orada 680 kilometrlik yol infrastrukturunu tamamlamışıq. Şırnak indi köç verən deyil, əksinə, insanları özünə cəlb edən bölgəyə çevrilib.” - deyə o, Türkiyənin enerji sektorunda atdığı strateji addımları belə şərh edib.
