BAKI, AzerVoice
Türkiyənin Ərzurum vilayətində 4,1 bal gücündə zəlzələ baş verib.
AzerVoice xəbər verir ki, bu barədə Türkiyənin Fövqəladə Halların İdarəolunması Agentliyi məlumat yayıb.
Məlumata əsasən, zəlzələ yerli vaxtla saat 16:58-də Ərzurum vilayətinin Köprüköy rayonunda baş verib. Yerlaltı təkanların ocağı 6,92 kilometr dərinlikdə yerləşib.
Bölgə sakinləri tərəfindən hiss edilən titrəyiş qısa müddətli təşvişə səbəb olub. Rəsmi qurumlar hadisə ilə bağlı hər hansı can itkisi və ya maddi zərər barədə məlumatın daxil olmadığını bildiriblər. Zəlzələ ətraf rayonlarda da hiss olunub.
