BAKI,VOA, Fərid Mikayılov

Türkiyənin Milli Kəşfiyyat Təşkilatının (MİT) rəhbəri İbrahim Kalın Ankara şəhərində HƏMAS nümayəndə heyəti ilə görüşüb.

VOA xəbər verir ki, görüşdə Qəzza Atəşkəs Müqaviləsinin ikinci mərhələsi və bölgədə atəşkəsin təmin olunması üzrə aparılan işlər müzakirə olunub.

Müzakirə çərçivəsində Qurban bayramı zamanı İsrail ordusunun Qəzza zolağına həyata keçirdiyi hücumlar, atəşkəsin təmin edilməsi üçün Türkiyənin həyata keçirdiyi vasitəçilik və humanitar yardım fəaliyyətləri də müzakirə edildi.

HƏMAS nümayəndə heyəti Türkiyənin regionda sülhün təmin edilməsində göstərdiyi səylərə və atəşkəsin davamlı olması üçün Türkiyənin dəstəyinə görə Prezident Rəcəb Tayyib Ərdoğana minnətdarlığını bildirib.