Bakı. AzerVoice:
Türkiyənin Maliyə Naziri Mehmet Şimşek Türkiyənin indiki 250 CDS səviyyəsinin gələn il 100-ə düşcəyini bildirib.
AzerVoice xəbər verir ki, Şimşək bu barədə Beynəlxalq İnvestorlar Dərnəyinin iclasında çıxışı zamanı məlumat verib. O “Türkiyənin zəif tərəfləri azalıb, narahat olmağa ehtiyac yoxdur. Türkiyə doğru yoldadır və sürətlə irəliləyir."- deyə qeyd edib.
O iqtisadi proqramdan danışarkən bu sözlərə diqqət çəkib:"İqtisadi proqramlar dezinflyasiya mərhələsinə gəlib və bazar gözləntiləri cüzi bir gecikmə ilə hədəfə yaxınlaşır. Proqram saat mexanizmi kimi işləyir"
Qeyd edək ki, CDS (Kredit Default Swap) bir ölkənin götürdüyü krediti qaytarma riskini ifadə edir. Sözügedən risk dəyəri kredit tələb edən ölkənin maliyyə etibarlılığını təsvir edir. Bir ölkənin yüksək CDS göstəricilərinə sahib olması onun iflas və maliyyə böhranı ilə üzləşmə riskinin çox olduğunu göstərir.
