Bakı. AzerPress:
Türkiyə prezidenti Rəcəb Tayyib Ərdoğan Misir prezidenti Əbdülfəttah əs-Sisi ilə İsrailin Fələstin ərazisinə hücumları və Qəzzaya humanitar yardım çatdırmaq səylərini müzakirə edib.
AzerPress-in məlumatına görə, iki lider arasında telefon danışığı olub.
Ərdoğan görüşdə İslam ölkələrinin birlik içində qalıcı atəşkəsin təmin edilməsi üçün başlatdıqları səylərin davam etdirilməsinin vacib olduğunu bildirib.
Ərdoğan yenidən Misir prezidenti seçilən Sisiyə uğurlar arzulayıb.
O, yeni dövrün Türkiyə-Misir münasibətləri üçün faydalı olacağına ümid etdiyini bildirib.
Hafiz Rufizoğlu
