Bakı. AzerVoice:
Rusiya xarici işlər nazirinin müavini Mixail Qaluzin Türkiyənin Moskvadakı səfiri Tanju Bilgiçlə görüşüb.
AzerVoice xəbər verir ki, bu barədə Rusiyanın Xarici İşlər Nazirliyi məlumat yayıb.
Məlumata görə, görüşdə Zaqafqaziya və Mərkəzi Asiyadakı vəziyyət, eləcə də Ukraynadakı münaqişə müzakirə olunub.
Qeyd olunub ki, Cənubi Qafqazda sülhün və sabitliyin möhkəmlənməsi üzrə səylərin bundan sonra da əlaqələndirilməsində hər iki tərəf maraqlıdır.
"Tərəflər regional və beynəlxalq problemlər üzrə ikitərəfli qarşılıqlı əlaqələrin səmərəliliyini qeyd ediblər", - Rusiya XİN-in məlumatında deyilir.
