BAKI, AzerVoice
Almaniya Kansleri Fridrix Mers Türkiyənin NATO-da strateji mövqeyinə diqqət çəkərək, Ankara ilə daha sıx əməkdaşlıq mesajı verib.
AzerVoice xəbər verir ki, Mers hökumət olaraq Türkiyəyə döyüş təyyarələrinin satışı məsələsini qiymətləndirəcəklərini bildirib. O, Türkiyənin NATO-nun böyük və strateji üzvlərindən biri olduğunu vurğulayıb: “Türkiyəni özümüzə sıx şəkildə bağlamaq istəyirik.”
Kansler Türkiyənin geosiyasi baxımdan olduqca vacib bir bölgəni qoruduğunu qeyd edərək, “Türkiyə bizim üçün son dərəcə dəyərli və önəmli NATO tərəfdaşıdır. Bu tərəfdaşlığı davam etdirmək və daha da inkişaf etdirmək üçün əlimdən gələni edəcəyəm,” – deyə bildirib.
Eyni zaman da, Fridrix Mers, Türkiyə Prezidenti Rəcəb Tayyib Ərdoğanın dəvətini qəbul etdiyini və yaxın zamanda Ankaranı ziyarət edəcəyini də açıqlayıb.
