BAKI,VOA, Fərid Mikayılov

Türkiyə Böyük Millət Məclisinin (TBMM) Sədri Numan Kurtulmuş İslam Əməkdaşlıq Təşkilatı Parlament Birliyinin 20-ci Konfransında iştirak etmək məqsədilə Azərbaycana rəsmi səfər edəcək.

VOA xəbər verir ki, Azərbaycan Milli Məclisinin ev sahibliyi ilə paytaxt Bakıda təşkil olunacaq mötəbər tədbir 23-24 iyun 2026-cı il tarixlərini əhatə edəcək.

Sammit çərçivəsində TBMM Sədrinin Fələstin mövzusuna, İslam dünyası daxilində siyasi, iqtisadi, eləcə də parlamentlərarası inteqrasiyanın gücləndirilməsinə dair strateji bəyanatlarla çıxış edəcəyi gözlənilir.

Həmçinin Numan Kurtulmuş müharibələr və humanitar böhranlar səbəbindən yurdundan didərgin düşmüş milyonlarla qaçqın üçün qlobal həmrəylik çağrısı edəcək.