BAKI,VOA
Bakı Metropoliteni QSC mart ayı ərzində 18 milyondan çox sərnişinə xidmət göstərib.
VOA xəbər verir ki, qurumun açıqlamasına əsasən, baharın ilk ayında ümumilikdə 18 milyon 269 min 887 sərnişin metrodan istifadə edib.
Bu göstərici ötən ilin eyni dövrü ilə müqayisədə 1,1 faiz artım deməkdir.
Mart ayı ərzində ən yüksək sərnişin axını 6 mart tarixində qeydə alınıb. Həmin gün metrodan 796 min 734 nəfər istifadə edib.
Bayram günlərində isə mərkəz istiqamətində sərnişin axınında kəskin artım müşahidə olunub. 21–22 mart tarixlərində Sahil metro stansiyası ən çox istifadə edilən stansiya olub və gündəlik orta göstəricidən 51 faiz daha çox sərnişin qəbul edib.
Rəqəmsallaşma sahəsində də artım qeydə alınıb. Məlumata görə, sərnişinlərin hər üç nəfərindən biri ödənişləri NFC texnologiyası vasitəsilə həyata keçirir.
