ABŞ və İsrail kəşfiyyatı ilə əlaqəli iki şəxs öldürülüb - İran
İran Kəşfiyyat Nazirliyi ABŞ və İsrail kəşfiyyatı ilə əlaqəli olduğunu iddia etdiyi iki şəxsin təhlükəsizlik qüvvələri ilə qarşıdurmada öldürüldüyünü açıqlayıb. Hadisənin ölkənin cənub-şərqində baş verdiyi bildirilib. Bundan başqa, Sistan və Bəlucistanda sabitliyi pozmaq və infrastruktura zərər vurmaq planında şübhəli bilinən dörd nəfər saxlanılıb. İran tərəfi onların ölkəyə daxil olmağa çalışdığını bildirib.
İsrail zərbələri nəticəsində Livan təhlükəsizlik qüvvələrinin 29 əməkdaşı həlak olub
Livanın informasiya naziri Pol Morkosun açıqladığı son məlumatlar ölkədə davam edən hərbi qarşıdurmaların təhlükəsizlik qüvvələrinə ciddi təsir göstərdiyini ortaya qoyur. Mart ayından bəri İsrailin həyata keçirdiyi zərbələr nəticəsində Livan təhlükəsizlik qurumlarının 29 əməkdaşı həlak olub. Ölənlər arasında polis əməkdaşları, təhlükəsizlik qurumlarının nümayəndələri və hərbçilər də var. Son günlər baş verən hücumlar nəticəsində yüksək rütbəli zabitlərin də həyatını itirməsi diqqət çəkir. Livanın Səhiyyə Nazirliyi ölkədə hərbi əməliyyatlar zamanı ölənlərin ümumi sayının 3 min 613 nəfərə çatdığını açıqlayıb. Davam edən qarşıdurmalar fonunda ölkədə təhlükəsizlik və humanitar vəziyyətlə bağlı narahatlıqlar artır.
İranda etiraz aksiyaları zamanı azı 16 nəfər həlak olub
İranda artan inflyasiya və iqtisadi çətinliklərə etiraz olaraq keçirilən aksiyalar zamanı son bir həftədə azı 16 nəfər həlak olub, yüzlərlə insan saxlanılıb. Etirazlar ölkənin müxtəlif bölgələrində təhlükəsizlik qüvvələri ilə nümayişçilər arasında toqquşmalarla müşayiət olunur. Hüquq müdafiə təşkilatlarının məlumatına görə, etirazlar qərb vilayətləri ilə yanaşı paytaxt Tehran və cənub-şərqdə yerləşən Bəlucistan əyalətinə də yayılıb. Polis aksiyaların təşkilində rol oynadığı iddia edilən şəxslərin, xüsusilə sosial şəbəkələrdə fəal olanların saxlanıldığını açıqlayıb.
İran–Pakistan sərhədində silahlı toqquşma baş verib
İranın Pakistanla sərhədində ölkə ərazisinə daxil olmağa çalışan silahlı qrupla sərhəd mühafizəçiləri arasında toqquşma baş verib. Sistan və Bəluçistan Sərhəd Mühafizəçiləri Komandanı Rza Şəcai hadisə ilə bağlı açıqlama verib. O bildirib ki, Sistan və Bəluçistan əyalətinin Səravan şəhəri yaxınlığında İran–Pakistan sərhəd xəttində sərhədçilərlə “İran ərazisinə girməyə cəhd edən terrorçular” arasında silahlı qarşıdurma yaşanıb. Şəcai toqquşma zamanı silahlı qrupun ağır itkilər verdiyini, qaçan şəxslərin isə hadisə yerində çoxlu sayda silah və sursat qoyub getdiyini qeyd edib.
İranda silahlı hücum nəticəsində 3 mühafizəçi həlak olub
İranın Sistan-Belucistan vilayətində kimliyi məlum olmayan şəxslərin mühafizəçilərə atəş açması nəticəsində 3 nəfər həyatını itirib. Hadisə Zahedan şəhərinin Lar bölgəsində, İnqilab Keşikçiləri Ordusuna bağlı Qüds Qərargahı üzvləri xidmət zamanı baş verib. Hücumdan sonra bölgədə genişmiqyaslı əməliyyat başlayıb. Hələlik hücum edənlərin kimliyi və sayı açıqlanmayıb. İran rəsmiləri hadisədən sonra bölgədə təhlükəsizlik tədbirlərini gücləndiriblər və istintaq davam edir.
İranın təhlükəsizlik qüvvələri Cənub-Şərqdə 13 silahlını məhv edib
İranın təhlükəsizlik qüvvələri ölkənin cənub-şərqində həyata keçirilən üç ayrı əməliyyat zamanı 13 silahlını zərərsizləşdirib. Öldürülənlərdən səkkizi ötən həftə Sistan və Bəlucistan vilayətində patrul xidmətində olan beş polis əməkdaşının qətlə yetirilməsində iştirak edən silahlı dəstənin üzvləri olub.
Süveyda vilayətindəki humanitar dəhliz silahlı toqquşmalar səbəbindən bağlanıb
Suriyanın cənubunda yerləşən Süveyda vilayətində baş verən toqquşmalar səbəbindən Busrə əş-Şam humanitar dəhlizi bağlanıb. Bu barədə Suriyanın “Əl-İxbariyyə” telekanalı ölkənin Daxili İşlər Nazirliyindəki mənbəyə istinadən məlumat yayıb.
Süveydada silahlı toqquşma baş verib
Suriyanın Süveyda vilayətində silahlı qruplar daxili təhlükəsizlik qüvvələrinə hücum ediblər. Hadisə nəticəsində bir təhlükəsizlik əməkdaşı həlak olub, bir neçəsi isə yaralanıb. Mənbələrin bildirdiyinə görə, bu silahlı qruplar ötən ay vilayətdə razılaşdırılmış atəşkəs rejimini pozublar. Həmin bölgədə əvvəlki qarşıdurmalar nəticəsində yüzlərlə insan həlak olmuşdu. “Qeyri-qanuni silahlı qruplar Süveydada atəşkəs razılaşmasını pozaraq daxili təhlükəsizlik qüvvələrinə hücum edib və vilayətin bir neçə kəndini atəşə tutublar” - deyə, mənbə bildirib.
ABŞ Suriyada sabitliyin təmin olunması üçün İsrailə təzyiq edir
ABŞ, Suriyanın cənubundakı Suveyda vilayətində vəziyyətin sabitləşdirilməsi və bu bölgəyə Suriya hökumətinin təhlükəsizlik qüvvələrinin yerləşdirilməsi üçün İsrailə təzyiq göstərir.
Suveydada qeyri-qanuni qruplaşmalar bədəviləri hədəf alıb
Suriya hökumət qoşunlarının Suveyda şəhərini tərk etməsindən sonra qeyri-qanuni silahlı qruplaşmalar bölgədə kütləvi qırğınlar törədib.
İsrail Suriyanın Dəraa vilayətinə zərbələr endirib
İsrail Hərbi Hava Qüvvələri Suriyanın cənub bölgələrinə yeni zərbələr endirib.
İsrailin Druz kartı – İran maraqları və Ankaranı yeni müharibəyə sövq etmək cəhdləri
İsrailin Suriya siyasətində “druzları qorumaq”, “Suriyanı parçalanmaqdan xilas etmək”, “Türkiyə təsirini neytrallaşdırmaq” və “ekstremistlərlə mübarizə” kimi tezislərlə müdaxilələrini əsaslandırması son aylarda daha aydın şəkildə görünməyə başlayıb.
