TUSAŞ HÜRKUŞ, HÜRJET və KAAN layihələri ilə bağlı yeni məlumatları açıqlayıb
Türkiyə Aerokosmik Sənayesi (TUSAŞ) şirkətinin baş direktoru Mehmet Demiroğlu şirkətin davam edən və gələcək aviasiya layihələri ilə bağlı yeni açıqlamalar verib. Demiroğlu Böyük Britaniyada keçirilən Farnborough Beynəlxalq Aviasiya Sərgisi çərçivəsində təşkil olunan mətbuat konfransında HÜRKUŞ təlim təyyarəsi, HÜRJET döyüş təlim platforması, KAAN milli qırıcı təyyarəsi və T70 helikopter proqramının son vəziyyəti barədə məlumat verib.
Ankara regional sülhün təmin edilməsində həlledici addımları dəstəkləyir - Türkiyə MN
Türkiyə Respublikası Milli Müdafiə Nazirliyi (MSB) Amerika Birləşmiş Ştatları (ABŞ) və İran İslam Respublikası arasında hərbi gərginliyin və münaqişələrin dayandırılması məqsədilə əldə olunan rəsmi memorandumu dəstəklədiyini bəyan edib. Regional təhlükəsizlik və müdafiə sənayesi mövzularına toxunan nazirlik sözçüsü, Vaşinqton və Tehran arasında əldə edilən sülh addımını Ankaranın rəsmən alqışladığını bildirib.
Avropa Türkiyənin müdafiə sistemlərinə yönəlir - Alman mətbuatı
Almaniyanın WELT qəzeti Türkiyənin müdafiə sənayesində əldə etdiyi uğurları gündəmə gətirərək, Almaniya hökumətinin Türk istehsalı uzun mənzilli raket sistemlərinə marağını qeyd edib. ABŞ-ın Tomahawk raket planını dayandırmasından sonra Berlinin alternativ axtarışına yönəldiyini və Türkiyənin “Yıldırımhan” qitələrarası ballistik raket sistemi ilə “Tayfun Blok-4” hipersonik raketini qiymətləndirməyə başladığını yazıb.
İspaniya Türkiyədən HÜRJET reaktiv təlim təyyarələrini idxal edəcək
Türk müdafiə sənayesi aviasiya sahəsində növbəti böyük uğuruna imza ataraq, milli reaktiv təlim təyyarəsi HÜRJET-in İspaniyaya ixracını rəsmiləşdirib. Türk Havacılıq və Uzay Sənayesi (TUSAŞ) tərəfindən istehsal olunan Türkiyənin ilk milli reaktiv təyyarəsinin İspaniya Hərbi Hava Qüvvələrinin inventarına daxil edilməsinə dair rəsmi müqavilə Madriddəki Airbus müəssisələrində keçirilən mərasimlə imzalanıb.
Türkiyə və İspaniya HÜRJET üçün 16 milyon avroluq müqavilə imzaladı
İspaniyanın aerokosmik şirkəti Airtificial ilə Türk Aviasiya və Kosmos Sənayesi arasında “Hürjet” təlim təyyarəsi üçün uçuş idarəetmə sistemlərinin istehsalına dair 16 milyon avrodan artıq dəyərdə müqavilə imzalanıb. Çatdırılmaların növbəti beş il ərzində mərhələli şəkildə həyata keçirilməsi planlaşdırılır. Şirkət daha əvvəl də bu proqram çərçivəsində məhdud həcmli layihələrdə iştirak etdiyini və yeni müqavilə ilə ilk tədarüklərə başladığını bildirib.
Türk Milli Döyüş Təyyarəsi KAAN-ın tam ölçülü statik sınaq nümunəsi hanqardan çıxdı
Türk Aviasiya və Kosmos Sənayesi (TUSAŞ), "GÖKVATAN" jurnalının 144-cü sayında Milli Döyüş Təyyarəsi KAAN layihəsinə dair mühüm texniki detalları paylaşıb. “İlk uçuşun yerdəki məşqi: Tam ölçülü statik sınaq” başlığı ilə təqdim olunan məqalədə KAAN-ın uçuşdan əvvəlki ən kritik mərhələlərindən biri olan statik sınaq prosesi hərtərəfli şəkildə ələ alınıb.
TUSAŞ və Malayziya arasında aviasiya sahəsində strateji tərəfdaşlıq genişlənir
Türkiyənin aviasiya nəhəngi TUSAŞ Malayziyanın paytaxtı Kuala-Lumpurda keçirilən "Defence Services Asia (DSA) 2026" beynəlxalq müdafiə sərgisində özünün ən yeni texnologiyaları və layihələri ilə təmsil olunur. Sərgi çərçivəsində Türkiyə və Malayziya arasında müdafiə sahəsində strateji əməkdaşlığın cari vəziyyəti və gələcək perspektivləri müzakirə olunub.
HAVELSAN İspaniyaya HÜRJET simulyatoru ixrac etməyə hazırlaşır
Türkiyənin yeni nəsil reaktiv təlim təyyarəsi HÜRJET-in İspaniyaya ixracı ilə qazanılan uğur zəncirinə yeni bir halqa əlavə olunur. Türk Aviasiya və Kosmos Sənayesi (TUSAŞ) tərəfindən hazırlanan HÜRJET təyyarələri ilə yanaşı, onun HAVELSAN tərəfindən hazırlanan "Tam Tapşırıq və Uçuş Təlim Simulyatoru" da beynəlxalq bazara çıxır.
İspaniya üçün yeni seçim KAAN ola bilər
İspaniyanın F-35 proqramı ilə bağlı qərar prosesində yaranan siyasi qeyri-müəyyənlik və Fransa-Almaniya ortaq layihəsi olan Gələcəyin Hava Döyüş Sistemi proqramında müşahidə olunan fikir ayrılıqları Madrid rəhbərliyini alternativ variantları dəyərləndirməyə vadar edib. Avropa layihəsindəki ləngimə və strateji qeyri-müəyyənlik fonunda Türkiyə ilə müdafiə sənayesi sahəsində son illərdə sürətlənən əməkdaşlıq yeni ehtimalları gündəmə gətirib. Xüsusilə Türkiyənin beşinci nəsil döyüş təyyarəsi KAAN layihəsi mümkün seçimlər sırasında göstərilir.
GÖKBEY Səudiyyə Ərəbistanında istehsal olunacaq: Tarixi müqavilə imzalandı
Səudiyyə Ərəbistanının paytaxtı Riyadda keçirilən "World Defense Show" (WDS) 2026 çərçivəsində Türkiyənin yerli istehsalı olan GÖKBEY ümumi təyinatlı helikopterinin xaricdə birgə istehsalı üçün ilk rəsmi addım atılıb. Türk Aviasiya və Kosmik Sənayesi (TUSAŞ) ilə Səudiyyə Ərəbistanının İnvestisiya Nazirliyi və Hərbi Sənaye Qurumu (GAMI) arasında strateji anlaşma memorandumu imzalanıb.
Türkiyə və Səudiyyə Ərəbistanından nəhəng müdafiə həmləsi: KAAN və GÖKBEY üçün birgə istehsal planı
Türk müdafiə sənayesinin ən mühüm layihələrindən sayılan KAAN qırıcı təyyarəsi və GÖKBEY helikopteri Səudiyyə Ərəbistanının diqqət mərkəzindədir. Masadakı ən maraqlı variantlardan biri hər iki platformanın Səudiyyə Ərəbistanında istehsalı üçün orada xüsusi istehsal xəttinin qurulmasıdır. Türkiyə ilə Səudiyyə Ərəbistanı arasında son dövrlərdə sürətlənən hərbi əməkdaşlığın TUSAŞ-ın vasitəçiliyi ilə daha yüksək səviyyəyə qalxacağı gözlənilir.
Türkiyənin milli jeti HÜRJET-in performansı ekstremal şəraitdə təsdiqləndi
Türkiyənin milli jet təyyarəsi HÜRJET, Ərzurumda sıfırın altında 21 dərəcəyə qədər düşən dondurucu soyuq və ağır qış şəraitində keçirilən yer və yüksək irtifa performans testi fəaliyyətlərini uğurla tamamlayıb. Türkiyə Müdafiə Sənayesi Başçılığı koordinasiyasında Türk Hava və Kosmos Sənayesi (TUSAŞ) tərəfindən hazırlanmış HÜRJET-in iki prototipi testlər üçün Ərzuruma yönəldilmişdi.
