Azərbaycan - BƏƏ Birgə Biznes Şurasının həmsədrlərinin ilk iclası keçirilib
Tədbirdə Biznes Şuranın ilk iclasına hazırlıq işləri, hər iki ölkənin biznes dairələri arasında əməkdaşlığın genişləndirilməsi imkanları, birgə layihələrin icrası müzakirə edilib. Birləşmiş Ərəb Əmirliklərinin (BƏƏ) Şarja şəhərində Azərbaycan – BƏƏ Birgə Biznes Şurasının həmsədrləri - Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov və BƏƏ-nin Ticarət və Sənaye Palataları Federasiyasının sədr müavini və Şarja Ticarət və Sənaye Palatasının (SCCI) sədri Abdullah Əl-Uveys görüşüblər.
Avrasiya Gənc İş Adamları Forumu – EYBF 2025 Bakıda keçiriləcək
Gənc MÜSİAD-ın beynəlxalq fəaliyyətləri çərçivəsində 1 noyabr 2025-ci il saat 10:00-da (qeydiyyat – 09:00) Bakının “Fairmont Baku” otelinin Nizami zalında Avrasiya Gənc İş Adamları Forumu – EYBF 2025 təşkil olunacaq.
KOB klasterinə qoşulan sahibkarlar 7 il vergi güzəştlərindən yararlanacaq
2024-cü və 2025-ci illərdə yaradılmış iki KOB klaster şirkətində ümumilikdə 20-dən çox KOB subyekti birləşəcək. Bu KOB subyektləri təbii meyvə konsentratı və nəqliyyat vasitələrinin mühərrikləri üçün sürtkü yağı istehsal edəcək KOB klaster şirkətlərini müxtəlif mal və xidmətlərlə təmin edəcək.
Qazaxıstan Azərbaycanın KOB evi modelinin tətbiqində maraqlıdır
Astana şəhərində keçirilən Azərbaycan–Qazaxıstan Biznes Forumu çərçivəsində Kiçik və Orta Biznesin İnkişafı Agentliyi (KOBİA) və Qazaxıstanın Xarici Ticarət Palatası arasında Azərbaycanın KOB evi modeli ilə bağlı əməkdaşlığa dair Anlaşma Memorandumu imzalanıb.
MÜSİAD Azərbaycan ilə Malayziya Ticarət Palatası arasında əməkdaşlıq müzakirə edilib
AZHAB Forumu çərçivəsində Bakıda səfərdə olan Malayziyanın “Muslim Insiders” Ticarət Palatasının prezidenti Prof. Adam Richman və palatanın üzvü “KNKV Group” şirkətinin rəhbərliyi MÜSİAD Azərbaycan ofisində görüş keçirib.
İslam Əməkdaşlıq Təşkilatının KOB-lar Şəbəkəsi yaradılıb
Bakıda keçirilən Azərbaycan Halal Biznes (AZHAB) Forumu çərçivəsində "İslam Əməkdaşlıq Təşkilatının KOB-lar Şəbəkəsi"nin təsis toplantısı və ilk iclası keçirilib. Bildirilib ki, iclasda İslam Əməkdaşlıq Təşkilatına (İƏT) üzv ölkələrin KOB-lara dəstək və xidmət göstərən təşkilat və müvafiq qurumlarının nümayəndələri iştirak ediblər. Vurğulanıb ki,şəbəkənin yaradılmasında məqsəd İslam Əməkdaşlıq Təşkilatı (İƏT) çərçivəsində KOB-lara dəstək göstərən qurumların əməkdaşlığının gücləndirilməsidir.
Azərbaycan halal biznesin regional mərkəzinə çevrilir - Orxan Məmmədov
Bakıda keçirilən 2-ci Azərbaycan Halal Biznes (AZHAB) Forumu çərçivəsində çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov halal ticarətin müasir biznes modeli kimi formalaşmasının vacibliyini vurğulayıb.
Azərbaycan və Türkiyə arasında əməkdaşlıq memorandumu imzalanıb
Kiçik və Orta Biznesin İnkişafı Agentliyi (KOBİA) ilə Türkiyənin Bilişim Vadisi arasında Anlaşma Memorandumu bağlanıb. Sənədə əsasən, Bilişim Vadisi Bakı İqlim Bəyanaməsinə dəstəyini ifadə edib. Memorandum “yaşıl iqtisadiyyat”, “yaşıl texnologiyalar” və “yaşıl sahibkarlıq” istiqamətləri üzrə maarifləndirmə tədbirlərinin və ortaq təşəbbüslərin həyata keçirilməsini, həmçinin ətraf mühitin mühafizəsi sahəsində əməkdaşlığı nəzərdə tutur.
Bakıda 2-ci AZHAB Forumu keçirilir
Bakıda Azərbaycan Halal Biznes (AZHAB) Forumu öz işinə başlayıb. Bu il ikincisi keçirilən forum “Halal sənaye sürətlə dəyişən dünyada dayanıqlılığın mənbəyi kimi” mövzusuna həsr olunub. Tədbirdə dünyanın müxtəlif regionlarından olan rəsmi şəxslər, sahə üzrə ekspertlər, akademik dairələr, beynəlxalq təşkilatların nümayəndələri və iş adamları iştirak edir.
Qanvermə aksiyası keçirilib
27 sentyabr - Anım Günü ilə bağlı təşkil olunmuş “Bir damla qan, min ümidə can” devizi ilə qanvermə aksiyası Bakı şəhəri üzrə “Bakı KOB evi”, Respublika Qan Bankı və “Məlhəm Beynəlxalq Hospital”da təşkil olunub. Tədbirə qoşulan sahibkarlar və şirkət əməkdaşları, eləcə də KOBİA, İCMA və “Marsol Group”un nümayəndələri qan verib. Həkim-hematoloqlar tərəfindən hər bir donorun sağlamlığı öncədən yoxlanılıb, hərtərəfli tibbi müayinədən sonra onlardan qan götürülüb.
KOBİA və MÜSİAD əməkdaşlığı gücləndirir
ABŞ-a səfərləri çərçivəsində Müstakil Sanayici ve İşadamları Derneği (MÜSİAD) prezidenti Burhan Özdemir və nümayəndə heyəti Kiçik və Orta Biznesin İnkişafı Agentliyi (KOBİA)-nın İdarə Heyətinin sədri Orxan Məmmədovla Nyu-Yorkda görüşüblər. Görüş zamanı Azərbaycan və Türk Dövlətlər Təşkilatına üzv ölkələr arasında əməkdaşlığın gücləndirilməsi istiqamətində fikir mübadilələri aparılıb. 1990-cı ildə təsis edilən və 85 ölkədə 60 min şirkəti birləşdirən MÜSİAD, güclü iqtisadi əlaqələrin və yeni sərmayə imkanlarının inkişafına xidmət edən qlobal platforma olaraq fəaliyyət göstərir.
Şuşa şəhərində “KOB FEST” sərgi-satış yarmarkası keçirilir
Şuşa şəhərində “KOB FEST” sərgi-satış yarmarkası keçirilir. Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən yarmarka sentyabrın 21-dək “Güllü bağ”ın ərazisində davam edəcək.
