Səudiyyə Ərəbistanı qlobal sülh və sabitliyə dəstəyini bir daha təsdiqlədi
Məhəmməd bin Salmanın sədrliyi ilə Ciddə şəhərində keçirilən Nazirlər Kabinetinin iclasında Krallığın qlobal sülh və sabitliyin təmin olunmasına yönəlmiş səyləri dəstəklədiyi vurğulanıb. Bildirilib ki, vəliəhd şahzadə bir sıra dünya liderləri ilə apardığı danışıqlar barədə hökumət üzvlərinə məlumat verib. Bu çərçivədə Suriya, Livan, İsveçrə, Ukrayna, Yaponiya, Çexiya və Banqladeş rəhbərləri ilə keçirilən görüşlər diqqətə çatdırılıb.
Səudiyyə və İsveçrə liderləri əməkdaşlığı müzakirə etdi
Səudiyyə Ərəbistanı ilə İsveçrə arasında əməkdaşlığın genişləndirilməsi gündəmdədir. Görüş zamanı iki ölkə arasında müxtəlif sahələr üzrə əməkdaşlığın mövcud vəziyyəti nəzərdən keçirilib, xüsusilə investisiya istiqamətində yeni imkanlar müzakirə olunub. Tərəflər qarşılıqlı iqtisadi əlaqələrin inkişaf etdirilməsi üçün perspektivli sahələri müəyyənləşdiriblər.
Suriya Prezidenti Səudiyyə Ərəbistanına gedir: Ər-Riyadda mühüm görüş gözlənilir
Suriya Prezidenti Əhməd Əş-Şəraa sabah Səudiyyə Ərəbistanı-na rəsmi səfər edəcək. Səfər çərçivəsində onun Məhəmməd bin Salman ilə görüşü planlaşdırılır. Xüsusilə Yaxın Şərqdə təhlükəsizlik, siyasi sabitlik və koordinasiya məsələlərinin əsas gündəm mövzuları olacağı bildirilir. Rəsmi açıqlamalara əsasən, bu səfər region ölkələri ilə əlaqələrin genişləndirilməsi istiqamətində aparılan diplomatik fəaliyyətin davamı kimi qiymətləndirilir.
Səudiyyə Ərəbistanı regional təhdidlərə qarşı mövqeyini bir daha bəyan etdi
Səudiyyə Ərəbistanı hökuməti regionda təhlükəsizlik və sabitliyə yönələn təhdidlərə qarşı mövqeyini bir daha açıqlayıb. Qeyd olunub ki, hökumət İraq ərazisindən buraxılan pilotsuz uçuş aparatları ilə Səudiyyə Ərəbistanı və Körfəz Əməkdaşlıq Şurası ölkələrinə qarşı həyata keçirilən hücumları sərt şəkildə pisləyib və İraq hökumətini bu təhdidlərin qarşısını almaqda məsuliyyət daşımağa çağırıb.
İranın hücumları Səudiyyənin suverenliyinə qarşı ciddi pozuntudur - Şahbaz Şərif
Səudiyyə Ərəbistanının rəsmi xəbər agentliyi SPA-nın məlumatına görə, vəliəhd şahzadə Məhəmməd bin Salman ilə Pakistanın Baş naziri Şahbaz Şərif arasında telefon danışığı baş tutub. Görüş zamanı liderlər regionda sürətlə inkişaf edən hadisələri və təhlükəsizlik məsələlərini müzakirə ediblər.
Məhəmməd bin Salman və FİFA prezidenti futbolda əməkdaşlıq perspektivlərini müzakirə ediblər
Səudiyyə Ərəbistanının vəliəhd şahzadəsi Məhəmməd bin Salman şənbə günü Ciddədə FİFA prezidenti Canni İnfantino ilə görüşüb. Səudiyyə Rəsmi Agentliyinin (SPA) məlumatına görə, tərəflər futbolda əməkdaşlığın gücləndirilməsi və inkişaf imkanlarının genişləndirilməsi məsələlərinə fokuslanıblar. Görüşdə Krallıq ilə FİFA arasındakı mövcud tərəfdaşlıq nəzərdən keçirilib, həm həvəskar, həm də peşəkar səviyyədə idmanın böyüməsi perspektivləri müzakirə olunub. Səudiyyə Ərəbistanı özünün "Vision 2030" islahat proqramı çərçivəsində infrastruktura, istedadların inkişafına və beynəlxalq tədbirlərə böyük sərmayələr qoyaraq özünü qlobal idman mərkəzi kimi mövqeləndirir.
Səudiyyə Ərəbistanı və İtaliya regional gərginliyi müzakirə etdi
Səudiyyə Ərəbistanının vəliəhdi Məhəmməd bin Salman İtaliyanın Baş naziri Giorgia Meloni ilə Ciddə şəhərində görüş keçirib. Bununla yanaşı, regional vəziyyət, xüsusilə davam edən hərbi gərginliyin qlobal ticarətə, enerji təhlükəsizliyinə və dünya iqtisadiyyatına təsiri müzakirə olunub. Tərəflər Yaxın Şərqdə sabitliyin qorunması üçün koordinasiyanın vacibliyini vurğulayıblar.
ABŞ Səudiyyə Ərəbistanına F-35 qırıcılarının satışına razılıq verdi
ABŞ Prezidenti Donald Tramp şənbə günü bəyan edib ki, Birləşmiş Ştatlar ilk dəfə olaraq Səudiyyə Ərəbistanı Krallığını beşinci nəsil F-35 qırıcı təyyarələri ilə təmin edəcək.
Ciddə Zirvəsi: Məhəmməd bin Salman və Zelenski İran təhdidlərini müzakirə edib
Səudiyyə Ərəbistanının vəliəhdi, Baş nazir Şahzadə Məhəmməd bin Salman bin Əbdüləziz Ukrayna Prezidenti Volodimir Zelenski ilə regional və beynəlxalq prosesləri müzakirə edib. Görüşün əsas mövzusunu Yaxın Şərqdəki hərbi eskalasiya və Ukrayna böhranındakı son vəziyyət təşkil edib.
Fənərbaxça prezidenti Kante transferinə görə Ərdoğana təşəkkür edib
Fənərbaxça Klubunun prezidenti Sadettin Saran dünya futbolunun tanınmış ulduzlarından olan Enqolo Kantenin transferinin uğurla yekunlaşması münasibətilə Rəcəb Tayyib Ərdoğana təşəkkür edib. Saran bununla bağlı yaydığı açıqlamada Kante transferinin həm Fənərbaxça, həm də ümumilikdə Türk futbolu üçün mühüm əhəmiyyət daşıdığını bildirib.
Ərdoğan Səudiyyə Ərəbistanına rəsmi səfər edəcək
Türkiyə Prezidenti Rəcəb Tayyib Ərdoğan sabah Səudiyyə Ərəbistanına rəsmi səfər edəcək. Səfər Ankara ilə Ər-Riyad arasında son illər güclənən siyasi, iqtisadi və təhlükəsizlik əməkdaşlığının daha da dərinləşdirilməsi baxımından mühüm əhəmiyyət daşıyır. Ərdoğan Səudiyyə Ərəbistanının paytaxtı Ər-Riyadda vəliəhd şahzadə və Baş nazir Məhəmməd bin Salman tərəfindən rəsmi mərasimlə qarşılanacaq.
Məhəmməd bin Salman Riyadda Hillari Klintonu qəbul etdi
Səudiyyə Ərəbistanının vəliəhdi və Baş naziri şahzadə Məhəmməd bin Salman bin Əbdüləziz çərşənbə günü ABŞ-ın keçmiş dövlət katibi Hillari Klintonu qəbul edib. Hillari Klinton 26-28 yanvar tarixləri arasında Riyadda keçirilən 5-ci "Gələcəyin Daşınmaz Əmlakı" forumunda əsas məruzəçi kimi iştirak edib. "Genişlənən üfüqlər və çiçəklənən daşınmaz əmlak" şüarı altında keçirilən forum böyük yerli və qlobal auditoriyanın marağına səbəb olub
