Bakı. AzerVoice:
İlk türk astronavt Alper Gezeravcı kosmosda elmi araşdırmalara başlayıb.
AzerVoice xəbər verir ki, bu barədə Türkiyə Kosmik Agentliyi (TUA) öz rəsmi X sosial media hesabında paylaşım edib.
Məlumata əsasən, Gezeravcının Beynəlxalq Kosmik Stansiyada ilk elmi araşdırması EXTREMOPHYTE olacaq. Belə ki, eksperimental olaraq, duz stresinə məruz qalan "A. thaliana" və "schrenkiella parvula" bitkilərinin kosmos mühitində duza reaksiyası araşdırılır.
Xatırladaq ki, A.Gezeravcı 19 yanvar tarixində Floriadadan Beynəlxalq Kosmik Stansiyaya göndərilib.
Türkiyənin İlk Pilotlu Kosmos Missiyası çərçivəsində Alper Gezeravcı 14 gün BKS-də qalacaq və 13 fərqli elmi təcrübə həyata keçirəcək.
İlk türk astronavt Gezeravcı missiyada ispan, italyan və isveçli astronavtlarla birlikdə iştirak edir.
