Bakı. AzerVoice:
Biz dəmir yolunda beynəlxalq dəhlizləri birinci mərhələdə başa çatdırmağa çalışırıq.
AzerVoice-un məlumatına görə, bu sözləri Türkiyənin Nəqliyyat və İnfrastruktur naziri Abdulkadir Uraloğlu deyib.
Son vaxtlar gündəmdə olan və tamamlandığında İpək Yolunun davamı olacaq Zəngəzur dəhlizinin keçdiyi marşrutları yenidən canlandıracağını vurğulayan Uraloğlu, İranın da bu dəhlizin öz ərazisindən keçməsini istədiyini bildirib.
Zəngəzur dəhlizinin dəyərli olduğuna diqqət çəkən Uraloğlu qeyd edib ki, ağıllı insan bu dəhlizin öz ərazisindən keçməsini istəyər.
İnkişaf Yolu Layihəsinin əhəmiyyətinə işarə edən Uraloğlu bildirib ki, "İnkişaf Yolu"nu həyata keçirdikdə ətraf ölkələrin diqqətini çəkəcək. Yol çəkildiyi zaman İraqın təhlükəsizliyinə töhfə verəcək.
"Türkiyədə dəmir yollarının tutumunu artıracağıq və müəyyən nöqtələrdə qarşılıqlı keçid quracağıq. Dəmir yolunun birinci mərhələsində beynəlxalq dəhlizləri tamamlamağa çalışırıq. İnkişaf yolunun Türkiyədə davamını tamamlayacağıq. İnfrastruktur işlərinə 2022-ci ilin əvvəlində başlanan və 4 il ərzində tamamlanması gözlənilən layihənin ilə təxminən ikitərəfli avtomobil yolu və dəmir yolunun tikintisi planlaşdırılır. Bu sərmayənin dəyərinin təxminən 16 milyard dollar olacağı gözlənilir. Gələcəkdə layihəyə qaz və neft kəmərləri də əlavə olunacaq",- deyə Uraloğlu əlavə edib.
Türkiyədən keçən İnkişaf yolunun dəmir yolu və avtomobil yolu olaraq Fars körfəzindən Avropaya yük və sərnişin daşıyacağını vurğulayan Uraloğlu, bu marşrutun ümumilikdə 2 min 88 kilometr olduğunu qeyd edib.
Uraloğlu, Türkiyə ilə İraq arasında İraqdan ölkə sərhədinə qurulması planlaşdırılan birbaşa dəmir yolu əlaqəsinin də İnkişaf Yolu Layihəsinin bir hissəsi olduğunu ifadə edib.
"İnkişaf Yolu Layihəsinin məsləhətçi firması 2023-cü ilin əvvəlinə layihələrini tamamlayıb. Bundan başqa, "İnkişaf Dəhlizi"nin ölkəmizdəki yol keçidinin 1 912 kilometr olması planlaşdırılır. Bundan əlavə, İnkişaf Dəhlizi "Şanlıurfa ilə Ovaköy arasında 320 kilometrlik yeni bir magistral sərmayəsi planlaşdırılır. Bu magistral sərmayəsinin təxminən 2 milyard dollar investisiya dəyəri var",- deyə nazir əlavə edib.
Uraloğlu vurğulayıb ki, Avropa İnvestisiya Bankı Orta Dəhliz üçün 23 milyard dollarlıq kreditlərin verilməsində ciddi irəliləyiş əldə edib.
Aytac Süleymanova
Twitter: a_alieva_
