Birja vergisi bizim gündəmimizdə deyil - Türkiyə prezidenti köməkçisi

Birja vergisi bizim gündəmimizdə deyil. Bir müddət müzakirə olundu sonra gündəmimizdən çıxardıq.

AzerVoice xəbər verir ki, Türkiyə prezidentinin köməkçisi Cevdet Yılmaz birja, inflyasiya məsələləri ilə bağlı verilən sualları cavablandırıb.

Ümumi vergi dərəcələri ilə bağlı addımların atıldığını xatırladan Yılmaz, "birinci paketə bənzər yeni tənzimləmə olacaqmı?" sualına “bu il üçün belə bir planımız yoxdur”. -deyə cavab verib.

Bazarlar 2025-ci ildə banklar və maliyyə qurumları tərəfindən keçəcəyi gözlənilən inflyasiya uçotunun təxirə salınıb-salınmayacağı müzakirə edir.

Yılmaz, "2025-ci ildə maliyyə qurumları inflyasiya uçotuna keçəcəkmi?" sualını cavablayarkən "bu məsələ bir müddət sonra Türkiyənin gündəmindən düşəcək. Ola bilsin ki, gələn il müzakirə oluna bilər, amma bu, 2026-cı ildə gündəmdə olmayacaq”- deyib.

Bundan əlavə, 50 milyon TL-nin altında olan KOBİ'ler üçün tətbiqin təxirə salındığını xatırladan Yılmaz, investisiyaları qorumaq üçün fəaliyyət göstərdiklərini və lazım gələrsə, payızda bu mövzuda qanuni tənzimləmələr edilə biləcəyini bildirib. O əlavə edib ki, banklarla bağlı qərar ilin sonunda bəlli olacaq.

Xarici valyutada Dövlət Özəl Tərəfdaşlıq (PPP) layihələrinin həyata keçirilməsinin büdcəyə yük yaratdığı ilə bağlı açıqlama verən Yılmaz bu layihələrin təkcə maliyyə baxımından qiymətləndirilməməsi lazım olduğunu deyib.

“Türkiyə xərclərin aşağı olduğu vaxtlarda bir çox layihə həyata keçirdik” deyən Yılmaz müqavilələrin Türkiyə Lirəsinə çevrilməsi ilə bağlı hal hazırda layihələrinin olmadığını bildirib.

TL-nin həddindən artıq dəyərləndiyi ilə bağlı şərhlərə toxunan Yılmaz, “üzən məzənnə rejiminə diqqət çəkərək, "Mərkəzi Bank yalnız manipulyasiya və spekulyativ hadisələrə müdaxilə etməlidir. İnflyasiya ilə mübarizə aparan ölkələrdə milli valyutaların güclənməsi təbii bir nəticədir" deyib.

Yılmaz, inflyasiya azaldıqca TL-nin bahalaşması ilə bağlı müzakirələrin ortadan qalxacağını bildirib.

O, həmçinin deyib ki, “Ortamüddətli perspektivdə məqsədimiz həm inflyasiya, həm də faiz dərəcələrini azaltmaqdır”.