BAKI,
AzerVoice
Son günlər yayılan "Türkiyənin Pakistana 6 təyyarə dolusu silah
göndərdiyi" haqqında iddiaları təkzib olunub.
AzerVoice xəbər verir ki, Türkiyənin
Milli Müdafiə Nazirliyi (MSB) yayılan xəbərlərin həqiqəti əks
etdirmədiyini açıqlayıb.
Nazirliyin məlumatında bildirilir ki, Türkiyədən yola düşən
nəqliyyat təyyarəsi yanacaq doldurmaq üçün Pakistana eniş edib və
daha sonra marşrutuna davam edib. Eyni zamanda, səlahiyyətli
qurumların açıqlamaları xaricində yayılan spekulyativ məlumatlara
inanmamaq tövsiyə olunub.
Qeyd edək ki, Dezinformasiya ilə Mübarizə Mərkəzi də "Türkiyənin Pakistana 6 təyyarə dolusu silah göndərdiyi" iddialarının yalan olduğunu təsdiqləyib.
