BAKI, AzerVoice
Meşə yanğınlarından sonra 50 mindən çox vətəndaş təhlükəsiz bölgələrə təxliyə olunub.
AzerVoice xəbər verir ki, Türkiyənin
daxili işlər naziri Ali Yerlikaya İzmir, Biləcik və Hatayda baş
verən meşə yanğınları ilə bağlı son vəziyyəti açıqlayıb.
Onun sözlərinə görə, təbii fəlakətdən sonra 50 mindən çox vətəndaş
müvəqqəti olaraq təhlükəsiz ərazilərə aparılıb.
Nazir bildirib ki, Biləcikdə 64 ev, 3 iş yeri və 20 tövlə, İzmirdə isə 132 ev və 1 iş yeri yanğında zərər görüb. Bu bölgələrdə “Ümumi Həyat Effektivliyi Qərarı” verilib.
Zərərçəkənlərə yardım məqsədilə Biləcik və İzmir valiliklərinə 30 milyon TL olmaqla ümumilikdə 60 milyon TL təcili yardım vəsaiti ayrılıb.
“Dövlətimiz bütün qurumları ilə yanğından zərər çəkmiş vətəndaşlarımızın yanındadır”, – deyə nazir Yerlikaya əlavə edib.
Qeyd edək ki, yanğınlarla bağlı fövqəladə tədbirlər görülür, söndürmə və yardım işləri davam etdirilir.
