BAKI, AzerVoice
Türkiyə Xarici İşlər naziri Hakan Fidan sabah Avropa İttifaqı Komissiyasının kommisarı Marta Kos ilə görüşəcək.
AzerVoice xəbər verir ki, iclasda viza rejimində məhdudiyyətlərin aradan qaldırılması və Avropa İttifaqının (Aİ) Türkiyəyə münasibətinin müzakirə ediləcəyi gözlənilir.
Səfər 1 dekabr 2024-cü ildə vəzifəsinə başlayan Komissar Kosun Türkiyəyə ilk rəsmi səfəri olacaq.
Nazir Fidanın görüş zamanı 15 iyul 2019-cu il tarixli qüvvədən düşmüş Aİ Xarici Əlaqələr Şurasının qərarlarını tamamilə ləğv etməyin və Türkiyə-Aİ münasibətlərində institusional məsləhətləşmə mexanizmlərini yenidən işə salmağın vaxtının gəldiyini bildirməsi gözlənilir.
Fidanın Türkiyə-Avropa İttifaqı Assosiasiya Şurasının və Yüksək Səviyyəli Dialoq toplantılarının ən qısa zamanda keçirilməsinin və Gömrük İttifaqının ən qısa zamanda yenilənməsi üçün danışıqlara başlanmasının vacibliyini vurğulaması da gözlənilir.
Fidan, 15 iyul 2025-ci il tarixində Türk vətəndaşlarına Şengen vizası ilə bağlı tətbiq olunan yeni qərarın məmnuniyyətlə qarşılandığını bildirib. O, bu yeni qaydaların cəmiyyətin bütün təbəqələrinə şamil edilməsinin vacibliyini vurğulayaraq Viza Azadlığı Dialoqu prosesinin tamamlanmasının və bu prosesdə asanlaşdırıcı addımların effektiv şəkildə həyata keçirilməsinin önəmli olduğunu qeyd edəcək.
Fidanın Avropa İttifaqının genişlənmə siyasətində qərəzsiz, məntiqli və ləyaqətə əsaslanan yanaşma sərgiləməsinin vacibliyini də dilə gətirərək bu çərçivədə Türkiyənin digər namizəd ölkələrlə birlikdə bütün görüşlərə dəvət olunmasının vacib olduğunu bildirməsi ehtimal olunur.
