İstanbulda korrupsiya əməliyyatında Beyoğlu Bələdiyyə Başçısı saxlanılıb

İstanbul Baş Prokurorluğu tərəfindən aparılan istintaq “cinayət təşkilatına rəhbərlik”, “cinayət təşkilatına üzv olmaq”, “qəsbkarlıq”, “rüşvət alma”, “ağırlaşdırılmış fırıldaqçılıq”, “dələduzluq” və “tender saxtakarlığı” kimi ittihamları əhatə edir. Araşdırmalar zamanı şübhəli Murat Ongun və qaçaqda olan Emrah Bağdatlı ilə əlaqəli, Medya A.Ş., Kültür A.Ş. və İstanbul Böyükşəhər Bələdiyyəsində müxtəlif fırıldaqçılıq fəaliyyətlərində iştirak etməkdə şübhəli bilinən 35 nəfər müəyyən edilib.

15 Avqust 2025 09:22

BAKI, AzerVoice, Nərmin Ağayeva

İstanbul Böyükşəhər Bələdiyyəsinə qarşı korrupsiya əməliyyatı çərçivəsində Beyoğlu Bələdiyyə Başçısı İnan Güney və daha 39 nəfər saxlanılıb.

AzerVoice xəbər verir ki, İstanbul Baş Prokurorluğu tərəfindən aparılan istintaq “cinayət təşkilatına rəhbərlik”, “cinayət təşkilatına üzv olmaq”, “qəsbkarlıq”, “rüşvət alma”, “ağırlaşdırılmış fırıldaqçılıq”, “dələduzluq” və “tender saxtakarlığı” kimi ittihamları əhatə edir. Araşdırmalar zamanı şübhəli Murat Ongun və qaçaqda olan Emrah Bağdatlı ilə əlaqəli, Medya A.Ş., Kültür A.Ş. və İstanbul Böyükşəhər Bələdiyyəsində müxtəlif fırıldaqçılıq fəaliyyətlərində iştirak etməkdə şübhəli bilinən 35 nəfər müəyyən edilib.

Polis qrupları, cinayət təşkilatının sosial media üzərindən fəaliyyəti çərçivəsində Ongunun nəzarətində və Bağdatlı ilə əlaqəli 9 nəfəri də aşkarlayıb. Ümumilikdə 44 şübhəli barəsində həbs qətimkan tədbiri seçilib. Eyni vaxtda keçirilən əməliyyatda Beyoğlu Bələdiyyə Başçısı İnan Güneyin də daxil olduğu 40 nəfər saxlanılıb.