BAKI, AzerVoice, Nailə Babazadə
Türkiyənin Daxili İşlər Naziri ALi Yerlikaya açıqlayıb ki, Sinop mərkəzli 6 vilayətdə keçirilən kiber cinayətlər əməliyyatlarında 32 şübhəli saxlanılıb, onlardan 30-u həbs edilib.
AzerVoice xəbər verir ki, əməliyyatlar “cinayət törətmək məqsədilə təşkilat yaratmaq” və Futbol və Digər Bahis Yarışlarında Bahis və Şans Oyunlarının Tənzimlənməsi Qanununa zidd fəaliyyət ilə bağlı aparılıb. Saxlanılan şəxslərin hesablarında ümumilikdə 524,5 milyon TL-lik əməliyyat hərəkəti aşkar olunub.
Bundan əlavə, cinayətdən əldə olunan əmlakın yuyulması iddiası ilə şübhəlilərə aid 5 avtomobil və 410 bank hesabına həbs qoyulub. Şübhəlilərdən 30-u həbs olunub, 2-si barəsində isə məhkəmə nəzarəti tədbiri tətbiq edilib.
Araşdırmalar zamanı müəyyən edilib ki, şübhəlilər qanunsuz fəaliyyət göstərərək vətəndaşları aldadıb və maliyyə vəsaitlərini qeyri-qanuni yolla əldə ediblər.
