BAKI,AzerVoice, Fərid Mikayılov
Türkiyənin enerji və Təbii Sərvətlər naziri Alparslan Bayraktar, 2026-cı ildə Akkuyu Nüvə Elektrik Stansiyasından ilk elektrik enerjisinin istehsal ediləcəyini və bunun ilin ən çox danışılacaq mövzularından biri olacağını bildirib.
AzerVoice xəbər verir ki, Bayraktar Filyosdakı səfəri zamanı nazirliyin bağlı qurumları və idarələri ilə video konfrans vasitəsilə əlaqə saxlayaraq sahədəki qruplara yeni ilin ilk tapşırıqlarını verdi.
Petrol istehsalı bazasına çevrilmiş Şırnak Gabar ilə ilk əlaqəsini quran Bayraktar, bu bölgəni “Terrorsuz Türkiyənin önəmli nümunəsi” olaraq qiymətləndirib və “Gabar kimi bir çox önəmli və milli layihələri həyata keçirəcəyik” deyib.
Yeni ildə Akkuyu Nüvə Elektrik Stansiyasının əhəmiyyətinə diqqət çəkən Bayraktar, “Cumhuriyyət tarixinin ən böyük xarici sərmayə yatırımı və ən iri layihələrindən biri olan Akkuyu NGS-də 2026-cı ilin ilk səfərlərindən birini həyata keçirəcəyəm. 2026 nüvə ili olacaq” deyib.
