BAKI, AzerVoice, Nailə Babazadə
Türkiyənin milli müdafiə naziri Yaşar Gülər ABŞ-ın Ankara səfiri və Suriya üzrə xüsusi nümayəndəsi Tom Barrak ilə görüşüb.
AzerVoice xəbər verir ki, Milli Müdafiə Nazirliyində baş tutan qəbulda regiondakı son təhlükəsizlik vəziyyəti və Suriya ilə bağlı qarşılıqlı maraq doğuran məsələlər müzakirə olunub. Görüşdə Türkiyə Silahlı Qüvvələrinin Baş Qərargah rəisi, ordu generalı Səlcuq Bayraktaroğlu da iştirak edib.
Görüş zamanı hərbi əməkdaşlıq və terrorizmlə mübarizə sahəsində koordinasiyanın əhəmiyyəti vurğulanıb. Rəsmi qurumlar qəbulun məhsuldar keçdiyini və tərəflərin bölgədə sabitliyin təmin olunması istiqamətində fikir mübadiləsi apardıqlarını bildiriblər.
