BAKI,VOA, Fərid Mikayılov

Türkiyədə FETÖ-nün dövlət strukturlarındakı fəaliyyətinə qarşı yeni əməliyyat başlayıb.

VOA xəbər verir ki, Ankara Respublika Prokurorluğunun tapşırığı ilə aparılan istintaq çərçivəsində 12 nəfər barəsində saxlanılma qərarı çıxarılıb.

Rəsmi açıqlamaya əsasən, istintaq zamanı təşkilatın dövlət qurumlarındakı şəbəkəsinə qarşı araşdırmalar aparılıb və şübhəlilərin istifadə etdiyi gizli rabitə vasitələri müəyyən edilib.

Bildirilir ki, Milli Kəşfiyyat Təşkilatı və polis orqanlarının koordinasiyalı fəaliyyəti nəticəsində şübhəlilərin “ByLock” proqramından istifadə etdiyi, eləcə də ankesor və konturlu telefon xətləri vasitəsilə ardıcıl əlaqə qurduğu üzə çıxıb.

Məlumata görə, şübhəlilərdən bəziləri hazırda müxtəlif dövlət qurumlarında vəzifədə çalışır və onların təşkilati fəaliyyətlərinə dair sübutlar əldə olunub.

Hazırda Ankara mərkəz olmaqla 4 vilayətdə eyni vaxtda əməliyyat tədbirləri həyata keçirilir və şübhəlilərin saxlanılması istiqamətində işlər davam etdirilir.