BAKI,VOA

Türkiyədə 5G texnologiyasından istifadə edən abunəçilərin sayı sürətlə artaraq 30 milyona yaxınlaşıb.

VOA xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu açıqlama verib.

Onun sözlərinə görə, qısa müddət ərzində milyonlarla yeni istifadəçi 5G texnologiyasına qoşulub.

Məlumata əsasən, ölkədə 5G xidmətinin tətbiqindən sonra ilk günlərdə 21 milyon abunəçi bu texnologiyadan istifadə etməyə başlayıb, sonrakı 10 gün ərzində isə daha 8 milyon nəfər sistemə qoşulub.

Qeyd olunub ki, Türkiyədə 5G-yə uyğun cihazların sayı təxminən 32 milyon təşkil edir və bunun 90 faizindən çoxu artıq aktiv şəkildə istifadə olunur.

Nazir bildirib ki, 5G texnologiyası yalnız rabitə sahəsində deyil, həm də iqtisadi inkişaf, sənaye, ağıllı şəhərlər, kənd təsərrüfatı və digər sahələrdə mühüm transformasiya yaradacaq.

Bildirilib ki, yaxın iki il ərzində 5G xidmətlərinin ölkənin bütün ərazisində əlçatan olması planlaşdırılır.