BAKI,VOA, Fərid Mikayılov

Türkiyədə FETÖ-yə qarşı genişmiqyaslı əməliyyat həyata keçirilib.

VOA xəbər verir ki, İstanbul mərkəzli olmaqla 12 vilayətdə keçirilən əməliyyat nəticəsində 17 şübhəli saxlanılıb.

Məlumata əsasən, saxlanılan şəxslərin Tıpta Uzmanlıq Sınavına hazırlıq adı altında təşkil olunan və təşkilatla əlaqəli olduğu iddia edilən düşərgələrdə iştirak etdikləri müəyyən olunub.

Qeyd olunub ki, şübhəlilərdən 15-i dövlət xəstəxanalarında aktiv fəaliyyət göstərən həkimlərdir.

Bildirilib ki, aparılan araşdırmalar zamanı şübhəlilərin gizli mesajlaşma proqramlarından istifadə etdikləri və maliyyə əməliyyatlarının izlənildiyi müəyyən edilib.

Əməliyyat İstanbulla yanaşı Ankara, İzmir, Bursa və digər vilayətləri də əhatə edib.