BAKI,VOA,Yusif Şərifzadə
İordaniya İsrailin Qəzza zolağında davam etdirdiyi hücumları pisləyərək, Qətər, Türkiyə və Misirin mövqeyinə dəstək verdiyini açıqlayıb.
VOA xəbər verir ki, İordaniyanın Xarici İşlər Nazirliyi yaydığı bəyanatda İsrailin atəşkəs rejimini pozduğunu bildirib.
Bəyanatda qeyd olunub ki, bu cür hərəkətlər beynəlxalq hüququn və beynəlxalq humanitar hüququn kobud şəkildə pozulması hesab olunur.
İordaniya eyni zamanda Qəzzaya kifayət qədər və davamlı humanitar yardımın maneəsiz çatdırılmasına çağırıb.
Rəsmi Amman mülki şəxslərin, tibb müəssisələrinin və humanitar yardım əməkdaşlarının tam qorunmasının vacibliyini də vurğulayıb.
