Bakı. AzerVoice:
Biz dünyanın ilk elektron döyüş qabiliyyətinə malik pilotsuz suüstü vasitələrini inşa edirik.
AzerVoice-un məlumatına görə, bu sözləri Türkiyə prezidenti Rəcəb Tayyib Ərdoğan, yeni gəmi platformalarının Türkiyə Silahlı Qüvvələrinin inventarına daxil edilməsi mərasimində çıxışı zamanı deyib.
"Biz, dünyanın ilk elektron döyüş qabiliyyətinə malik pilotsuz suüstü vasitələrini inşa edirik. Avtonom suüstü dəniz gəmimiz Marlin SİDA kəşfiyyat, kəşfiyyat və müşahidə, yerüstü döyüş, elektron dəstək və elektron hücum missiyalarını pilotsuz və tam avtonom şəkildə yerinə yetirəcək. Marlin SİDA üstün texniki xüsusiyyətləri ilə dənizlərdə üstünlüyümüzü dəstəkləyəcək, dostlara güvən, düşmənlərə qorxu verəcək. İnanıram ki, Marlin SİDA, Dəniz Qüvvələrimizə faydalı olacaq",- deyə Ərdoğan qeyd edib.
Ərdoğan bildirib ki, MİLGEM layihəsinin beşinci gəmisi olan TCG İstanbul, Türkiyənin daxili imkanlarla istehsal etdiyi ilk milli freqatdır. Biz bu gəmiyə öz imkanlarımızla müxtəlif radar, yaxın hava hücumundan müdafiə və elektron döyüş sistemləri hazırlayıb inteqrasiya etdik. TCG İstanbul-a inteqrasiya olunmuş sistemlərdən biri də milli şaquli buraxılış sistemidir.
"Bu gün istifadəyə verdiyimiz logistik dəstək gəmimiz TCG baş leytenant Arif Ekmekçi, döyüş elementlərinin yanacaq, şirin su və qida ehtiyaclarını təmin edəcək. İnanıram ki, təhvil verilən gəmilər donanmamıza və Türkiyə Silahlı Qüvvələrinə faydalı olacaq. Bizə bu sevinci və qüruru yaşadan hər kəsə, hər bir quruma öz adımdan, ölkəm və millətim adından təşəkkür edirəm",- deyə Türkiyə prezidenti vurğulayıb.
Rəcəb Tayyib Ərdoğan onu da əlavə edib ki, bizi qürurlandıran bu uğurlu layihələrin sirri, müəssisələrimiz arasında getdikcə daha sıx əməkdaşlıq və koordinasiya olmasıdır. Təşkilatlararası koordinasiya və anlaşma birliyi gücləndikcə yeni və güclü layihələr ortaya çıxır. Qarşıdakı dövrdə bu koordinasiyanı daha da irəli apararaq yeni uğurlar qazanacağımıza ürəkdən inanıram.
Aytac Süleymanova
Twitter: a_alieva_
