Bakı,
AzerVoice
Türkiyənin xarici işlər naziri Hakan Fidan və ABŞ-ın dövlət katibi
Marko Rubio Münhen Təhlükəsizlik Konfransı çərçivəsində görüş
keçiriblər.
AzerVoice xəbər verir ki , Türkiyə Xarici İşlər Nazirliyindən bildirilib ki, görüşdə iki ölkə arasındakı ikitərəfli münasibətlər, Suriyada və Qəzzada baş verən son hadisələr, eləcə də Ukrayna-Rusiya müharibəsi müzakirə olunub.
Görüşdə Fidan Türkiyənin Yaxın Şərqdə İŞİD-ə qarşı mübarizə ilə bağlı mövqeyini Rubioya çatdırıb və Qəzzada daimi atəşkəsin vacibliyini vurğulayıb.
Nazirlər Ukrayna ilə Rusiya arasında sülh danışıqları istiqamətində mümkün addımları da nəzərdən keçiriblər.
Qeyd edək ki, Türkiyə prezidenti Rəcəb Tayyib Ərdoğan Trampın fələstinliləri Qəzza zolağından zorla çıxarmaq planını “tam vəhşilik” adlandırmışdı.
O, həmçinin Tramp və Rusiya prezidenti Vladimir Putin arasında mümkün görüşün dünya üçün müsbət nəticələr verəcəyini də bildirmişdi.
