BAKI,AzerVoice

Misir Fələstinlilərin Öz Torpaqlarında Qalması Şərti ilə Qəzzanın Yenidən Qurulması Üçün Əhatəli Bir Konsepsiya Formalaşdırır.AzerVoice xəbər verir ki, bunu Misir XİN rəhbəri Bədr Əbdül-Əti Fransa prezidenti Emmanuel Makronla görüşü zamanı deyib. O bildirib ki, konsepsiya “erkən bərpa proqramlarının və layihələrinin həyata keçirilməsi, dağıntıların aradan qaldırılması və yenidənqurma işlərinin aparılması” ilə fələstinlilərin öz torpaqlarında qalmasını təmin etməyi hədəfləyir.

Bəyanatda həmçinin vurğulanıb ki, Makron Misirin bu kontekstdə və regionda təhlükəsizliyin və sabitliyin dəstəklənməsi sahəsində həyata keçirdiyi səyləri yüksək qiymətləndirib və Fransanın bu təşəbbüslərə “fələstinlilərin öz torpaqlarında qalması” şərti ilə dəstək verir.

Qeyd edək ki, ABŞ Prezidenti Donald Trampın Qəzza ilə bağlı son açıqlamaları və təklifləri beynəlxalq ictimaiyyətin diqqətini cəlb edib və müxtəlif reaksiyalara səbəb olub.

Tramp, Luiziana ştatına səfəri zamanı jurnalistlərə verdiyi müsahibədə, fələstinlilərin Qəzza bölgəsinə qayıdışının səhv olacağını bildirib və Qəzzanı ABŞ-ın nəzarətinə götürərək, bölgəni iqtisadi baxımdan inkişaf etdirməyi planlaşdırdıqlarını qeyd edib.

Bu açıqlamalar bir sıra beynəlxalq reaksiyalara səbəb olub. Türkiyə Prezidenti Rəcəb Tayyib Ərdoğan, İslam dünyasının Trampın Qəzza planının həyata keçməsinə icazə verməyəcəyini bəyan edib.

HƏMAS-ın Siyasi Bürosunun üzvü İzzət ər-Rişk isə Trampın Qəzza ilə bağlı açıqlamalarını "cəfəngiyyat" adlandırıb və bu bəyanatların Fələstin və bölgə haqqında məlumatsızlığı əks etdirdiyini bildirib.

BMT də Trampın Qəzza əhalisinin məcburi köçürülmə planı ilə razılaşmadığını ifadə edib.

Ağ Evin mətbuat katibi Kerolayn Livitt isə Trampın Qəzza zolağına ABŞ qoşunlarının göndərilməsi ilə bağlı öhdəlik götürmədiyini bildirib.

Bu təkliflər və açıqlamalar beynəlxalq ictimaiyyət və region ölkələri arasında geniş müzakirələrə səbəb olub.