BAKI,VOA,Yusif Şərifzadə
ABŞ-ın Mərkəzi Komandanlığı (CENTCOM) Bəhreyn Müdafiə Qüvvələri ilə birgə Yaxın Şərq ölkələrinin hərbi nümayəndələrinin iştirakı ilə təhlükəsizlik dialoqu təşkil edib.
VOA xəbər verir ki, CENTCOM-un açıqlamasına görə, görüşdə Misir, İordaniya, Küveyt, Livan, Oman, Qətər, Səudiyyə Ərəbistanı, Suriya, Birləşmiş Ərəb Əmirlikləri və Yəmən daxil olmaqla ümumilikdə 12 ölkənin nümayəndələri iştirak ediblər.
Bildirilib ki, müzakirələrin əsas mövzusu regionda müdafiə sahəsində əməkdaşlığın daha da gücləndirilməsi olub.
CENTCOM-un komandanı, admiral Bred Kuper bildirib ki, keçirilən müzakirələr iştirakçı ölkələrin regional təhlükəsizlik və sabitliyə sadiqliyini bir daha nümayiş etdirib.
