Suriyada YPG-SDG ilə bağlı mühüm açıqlama verilib. PYD-SDG-nin Ayn əl-Ərəb (Kobani) üzrə məsul şəxsi Mahmud Berhudan Suriya hökuməti və ordusu ilə inteqrasiya prosesində problemlərin 99 faizinin aradan qaldırıldığını bildirib.
Berhudan qarşıdakı bir neçə gün ərzində YPG-SDG-nin ləğvinin elan ediləcəyini və muxtar idarəetmə strukturunun da aradan qaldırılacağını deyib.
O, Suriyada “vahid ordu, vahid dövlət, vahid bayraq və ortaq vətən” prinsipi əsasında yeni mərhələnin qurulacağını bildirib. Həmçinin hərbi inteqrasiya ilə yanaşı, qurumların və neft yataqlarının təhvil verilməsi prosesinin də başa çatmaq üzrə olduğunu qeyd edib.
Berhudan ayrıca Suriya kürdlərinin ayrıca dövlət yaratmaq tələbinin olmadığını vurğulayıb və bölgədə yeni dövrün əsas məqsədinin sülh, birlik və birgə gələcəyin qurulması olduğunu bildirib.
