Suriyaya qayıdan qaçqınların sayı nə qədər olub?
İordaniyadan Suriyaya könüllü şəkildə qayıdan suriyalı qaçqınların sayı 200 min nəfərə çatıb. Bu barədə Birləşmiş Millətlər Təşkilatının Qaçqınlar üzrə Ali Komissarlığının İordaniya nümayəndəliyinin təmsilçisi Yusif Taha məlumat verib. 20 iyun – Ümumdünya Qaçqınlar Günü münasibətilə İordaniyanın dövlət televiziya kanallarından birinə müsahibə verən Yusif Taha 2024-cü il dekabrın 8-dən sonra suriyalı qaçqınların vətənlərinə qayıdışı ilə bağlı prosesdən danışıb.
Bu il yarım milyon suriyalı ölkəsinə qayıdıb - Yerlikaya
Türkiyənin daxili işlər naziri Ali Yerlikaya Türkiyə Böyük Millət Məclisinin Plan və Büdcə Komissiyasının iclasında ölkədəki təhlükəsizlik və köç prosesləri ilə bağlı geniş məlumat verib. Nazir 31 oktyabr 2025-ci il tarixinə qədər Türkiyədə qanuni qalma hüququ olan 3 milyon 615 min 491 xarici vətəndaşın olduğunu açıqlayıb.
Qonşu ölkələrdən Suriyaya qayıdan qaçqınların sayı açıqlanıb
Qonşu ölkələrdən Suriyaya qayıdan qaçqınların sayı 1 milyon 290 min nəfərə çatıb. Bu barədə Türkiyənin daxili işlər naziri Əli Yerlikaya, Suriyaya könüllü geri dönüşlərlə bağlı sosial media hesabında etdiyi paylaşımında bildirib. Nazir bildirib ki, 8 dekabr 2024-dən bu günə qədər isə 550 min suriyalı öz ölkəsinə qayıdıb. Nazir həmçinin qeyd edib ki, Suriya daxilində 8 dekabr 2024-dən sonra yaşanan siyasi dəyişikliklər geri dönüşləri sürətləndirib. Nazir Türkiyənin qaçqınlara dəstəyini xatırladaraq “zülm, aclıq və müharibə şəraitində qalan insanlara heç vaxt arxa çevirmədik, onların səsini eşitməməzlikdən gəlmədik. Həmişə haqqın və məzlumun yanında olduq.”- deyib.
Əsəd rejiminin süqutundan sonra 470 mindən çox suriyalı Türkiyədən öz vətəninə geri qayıdıb - Nazir
Ötən il dekabrın 8-dən sonra Türkiyədən ümumilikdə 474 min 18 suriyalı öz ölkələrinə geri qayıdıb. Bu barədə Türkiyənin daxili işlər naziri Ali Yerlikaya məlumat verib. Nazir bildirib ki, Suriyada baş verən son hadisələrdən sonra könüllü geri dönüş prosesi sürətlənib. “2024-cü il dekabrın 8-dən sonra baş verən hadisələrlə birlikdə könüllü geri dönüşlər daha da artdı. Bu tarixdən etibarən 474 min 18 suriyalı geri qayıtdı. 2016-cı ildən bəri isə ümumilikdə 1 milyon 213 min 620 nəfər könüllü şəkildə ölkəsinə dönüb” – deyə, A. Yerlikaya qeyd edib.
Qonşu ölkələrdən vətəninə geri qayıdan suriyalı qaçqınların sayı açıqlanıb
Suriyanın qonşu ölkələrində yaşayan təxminən 850 min qaçqın vətəninə geri dönüb. Bu barədə BMT-nin Qaçqınlar üzrə Ali Komissarlığının müavini Kelli Klements məlumat verib. Onun sözlərinə görə, ötən ilin dekabrında Bəşşar Əsəd rejiminin devrilməsindən sonra suriyalıların geri dönüş prosesi sürətlənib. Klements əlavə edib ki, yaxın həftələrdə bu rəqəmin 1 milyona çatacağı gözlənilir.
Əsəd rejiminin süqutundan sonra Türkiyədən öz ölkələrinə qayıdan suriyalıların sayı açıqlanıb
Türkiyədən öz ölkələrinə könüllü şəkildə geri dönən suriyalıların sayı 450 min 169 nəfərə çatıb. Bu barədə Türkiyənin daxili işlər naziri Ali Yerlikaya məlumat verib. Yerlikaya qeyd edib ki, ötən ilin 8 dekabrından etibarən Suriyaya qayıdış müraciətləri artıb və həmin dövrdən indiyədək 450 min 169 nəfər könüllü şəkildə vətəninə dönüb.
412 minə yaxın suriyalı Türkiyədən vətəninə qayıdıb
Ötən il dekabrın 8-də Suriyada Bəşşar Əsəd rejiminin devrilməsindən sonra Türkiyədən ümumilikdə 411 min 649 suriyalı öz vətəninə qayıdıb. 2016-cı ildən bu günə qədər Türkiyədən Suriyaya könüllü şəkildə qayıdanların ümumi sayı 1 milyon 151 min 652 nəfərə çatıb. Hazırda isə Türkiyədə müvəqqəti qoruma statusu ilə yaşayan suriyalıların sayı 2 milyon 543 min 711 nəfərdir.
Türkiyədən Suriyaya könüllü dönüşlərin ümumi sayı bir milyonu ötüb
Daxili İşlər Nazirliyinin Miqrasiya İdarəsinin məlumatına görə, 8 dekabr 2024-cü ildən bu yana həyata keçirilən təhlükəsiz, könüllü, ləyaqətli və nizamlı qayıdış prosesi çərçivəsində yüz minlərlə suriyalı evinə dönüb. 2016-cı ildən indiyədək könüllü olaraq geri dönənlərin ümumi sayı 1 milyon 151 min 652 nəfərə çatıb. Hazırda Türkiyədə müvəqqəti qoruma altında 2 milyon 543 min 711 suriyalı yaşayır.
Xarici ölkələrdən Suriyaya qayıdan vətəndaşların sayı artıb - BMT
May ayında qaçqın düşərgələrindən və xarici ölkələrdən Suriyaya qayıdanların sayı əvvəlki ayla müqayisədə 45 faiz artıb.
