Bakı, AzerVoice:
Qazaxıstan 2024-cü ildə xarici ölkələrlə birlikdə bir sıra hərbi təlimlər keçirəcək.
AzerVoice xəbər verir ki, bu barədə Qazaxıstan Müdafiə Nazirliyi məlumat yayıb.
Qazaxıstan Müdafiə Nazirliyindən verilən məlumata görə, bu il aşağıdakı təlimlər nəzərdə tutulub:
- Kabylan Zholy - Türkiyə Silahlı Qüvvələri ilə 2024 birgə təlimləri;
- Azərbaycan, Özbəkistan, Qırğızıstan və Tacikistan silahlı qüvvələrinin bölmələrinin iştirakı ilə “Birlestik-2024” komanda-qərargah təlimləri;
- Beket-2024 kompleks məşqləri;
- Aşıq Aspan - 2024 əməliyyat-taktiki, komanda-qərargah hava hücumundan müdafiə təlimləri;
- Xəzəryanı dövlətlərin (Azərbaycan, İran, Qazaxıstan və Rusiya) birgə hərbi dəniz təlimləri;
- “Aibalta-2024” əməliyyat-taktiki, komanda-qərargah təlimləri;
- Toskauyl-2024 əməliyyat-taktiki, komanda-qərargah təlimləri;
Bundan əlavə, 2024-cü ilin sentyabr-oktyabr aylarında Qazaxıstanda Kollektiv Təhlükəsizlik Müqaviləsi Təşkilatına üzv ölkələrin qüvvələrinin iştirakı ilə “Sarsılmaz Qardaşlıq-2023” birgə sülhməramlı təlimləri keçiriləcək.
Bundan başqa, ikitərəfli əsasda Belarus, Qırğızıstan, Tacikistan və Özbəkistan silahlı qüvvələri ilə birgə təlimlərin keçirilməsi planlaşdırılır.
