BAKI, AzerVoice

Türkiyədə 17 şəhərdə fırıldaqçılıq şəbəkələrinə qarşı keçirilən əməliyyatlarda 160 şübhəli saxlanılıb.

AzerVoice xəbər verir ki, Türkiyənin Daxili İşlər Naziri Ali Yerlikaya sosial media hesabında yayımladığı məlumatda, 17 müxtəlif şəhərdə həyata keçirilən əməliyyatlar nəticəsində 402 vətəndaşı aldatdığı müəyyən edilən 160 nəfərin saxlanıldığını bildirib.

Onlardan 73 nəfər həbs edilib, 87 nəfər barəsində məhkəmə nəzarəti qərarı çıxarılıb. Yerlikaya qeyd edib ki, şübhəlilər özlərini dövlət məmuru kimi təqdim edərək vətəndaşları aldatmaqla yanaşı, saxta reklamlar vasitəsilə məhsullar satıblar. Əməliyyatlar nəticəsində təxminən 114 milyon TL dəyərində əmlak müsadirə olunub.

Əməliyyatlar Respublika Prokurorluğu, Təhlükəsizlik Baş İdarəsi və 17 vilayətin təhlükəsizlik əməkdaşlarının koordinasiyalı fəaliyyəti ilə həyata keçirilib.