BAKI, AzerVoice
Türkiyənin daxili işlər naziri Ali Yerlikaya Gürcüstana qaçan və qırmızı bülletenlə axtarılan 8 şəxsin yaxalanaraq Türkiyəyə gətirildiyini açıqlayıb.
AzerVoice xəbər verir ki, bu barədə
nazir Yerlikaya X sosial media platformasında paylaşım edib.
“Onlar Gürcüstana qaçsalar da, Türkiyə polisindən qaça bilməyiblər”
- deyə nazir qeyd edib.
Ədliyyə Nazirliyinin, Təhlükəsizlik Ümumi Müdirliyinin İnterpol-Avropol Departamentinin, Kəşfiyyat İdarəsinin, KOM və Narkotik Cinayətlərlə Mübarizə Şöbələrinin koordinasiyalı əməliyyatı nəticəsində beynəlxalq və milli axtarışda olan 8 şəxs tutulub. Onlar arasında ağır cinayətlərdə, o cümlədən narkotik maddə ticarəti, təşkilatlı cinayətkarlıq və dələduzluqda ittiham olunanlar var.
Qeyd edək ki, saxlanılan şəxslər Gürcüstandan Artvin Sarp sərhəd-keçid məntəqəsi vasitəsilə Türkiyəyə gətirilib və müvafiq hüquqi prosedurlar başlanıb.
Gürcistan’a Kaçtılar, Türk Polisinden Kaçamadılar
— Ali Yerlikaya (@AliYerlikaya) April 3, 2025
Kırmızı Bültenle aranan H.A., H.D., İ.B., Ö.T. ve A.S.Ö. ile
Ulusal seviyede aranan R.U., C.K. ve M.Ç. isimli şahısları Gürcistan’dan ülkemize geri getirdik
Adalet Bakanlığımız, Emniyet Genel Müdürlüğü Interpol-Europol… pic.twitter.com/s8LsRzI5e0
