BAKI,VOA, Fərid Mikayılov
Pakistanın Baş naziri Şahbaz Şərif atəşkəs prosesinə verdikləri dəstəyə görə bir sıra ölkələrə təşəkkür edib.
VOA xəbər verir ki, Şərif xüsusilə Çin, Səudiyyə Ərəbistanı, Türkiyə, Misir və Qətər-in atəşkəsin əldə olunmasına verdiyi “əhəmiyyətli və hərtərəfli dəstəyi” yüksək qiymətləndirib.
Bildirilib ki, Pakistan Baş naziri bu ölkələrin diplomatik səylərinin münaqişənin dayandırılması və sülh prosesinin irəliləməsi üçün mühüm imkan yaratdığını vurğulayıb.
Şərif həmçinin Körfəz Əməkdaşlıq Şurası ölkələrinə təşəkkür edərək, onların regionda sabitlik və sülhə verdiyi davamlı dəstəyin mühüm rol oynadığını qeyd edib.
Qeyd olunub ki, Pakistan rəhbərliyi həm regional tərəfdaşların, həm də ABŞ-ın prosesdə nümayiş etdirdiyi strateji yanaşmanı və səbrli diplomatiyanı yüksək qiymətləndirir.
Pakistan tərəfi atəşkəsin davamlı sülhə çevrilməsi üçün beynəlxalq səylərin davam etdirilməsinin vacibliyini vurğulayıb.
